Jyljymaıtyn múlikke beriletin elektrondyq anyqtamalardy jyl sońyna deıin aýdandyq jerlerde de alýǵa bolady - konferentsııa
amyrdyń 25-i. QazAqparat /Aıdar Ospanalıev/ - Jyljymaıtyn múlikke beriletin elektrondyq anyqtamalardy aǵymdaǵy jyldyń mamyr aıynyń 18-inen bastap, barlyq oblys ortalyqtarynan jáne Astana men Almaty qalalarynan alýǵa bolady.
Al jyl sońyna deıin atalmysh qujattardy elektrondy túrde aýdandarda da alýǵa bolatyn jaǵdaı qalyptasady. Bul týraly búgin Astanada V-news portaly arqyly ótken ınternet-konferentsııa barysynda Ádilet mınıstrliginiń tirkeý qyzmeti jáne quqyqtyq kómek kórsetý komıteti tóraǵasynyń orynbasary Oljas Bektenov málim etti, dep habarlaıdy QazAqparat.
Onyń sózine qaraǵanda, Ádilet mınıstrligi tarapynan elektrondyq anyqtamalar paıdalaný máselesine qatysty keń aýqymdy túsindirý jumystary júrgizilgen. Bul máseleden qazir memlekettik organdardyń barlyǵy habardar. Sondyqtan elektrondyq anyqtamalardy qajetti organdardyń barlyǵy tolyq qabyldaýlary qajet. Al ony qandaı da bir organ qabyldamaǵan jaǵdaıda azamattar mınıstrlikke habarlaǵandary durys. «Biz bul máselege qatysty árbir isti jan-jaqty tekserip, anyq-qanyǵyna jetemiz. Qazirgi tańda barlyq quzyrly organdar elektrondyq anyqtamalardyń ne ekenin jáne kúmándi jaǵdaıda olardy qalaı tekserý qajettigin jaqsy biledi», dedi komıtet tóraǵasynyń orynbasary.
