«Jyljymaıtyn múlik ortalyǵy» RMK Astana fılıaly basshysynyń orynbasary A.Jaqanova para aldy degen kúdikpen ustaldy
ASTANA. QazAqparat - «Jyljymaıtyn múlik ortalyǵy» RMK Astana fılıaly basshysynyń orynbasary A.Jaqanova para aldy degen kúdikpen ustaldy. Bul týraly QazAqparat tilshisine Sybaılas jemqorlyqqa qarsy ulttyq bıýrosy Astana qalalyq departamentinen málim etti.
«Sybaılas jemqorlyqqa qarsy ulttyq bıýrosynyń Astana qalalyq departamenti «Jyljymaıtyn múlik ortalyǵy» RMK Astana fılıaly basshysynyń orynbasary A.Jaqanova, atalǵan fılaldyń mamany K.Djamartovany jáne «Jer kadastry ǵylymı-óndiristik ortalyǵy» RMK Astana qalalyq fılıaly jer ýchaskelerin rásimdeý sektorynyń bastyǵy E.Jaqypovty ustady. Laýazymdy tulǵalardyń aldyn ala ymyralasý arqyly jer telimine memlekettik aktini rásimdep berý úshin jeke tulǵalardan 8 myń AQSh dollary somasyna para alǵandyǵy belgili boldy. Sot aldy tergeý amaldary júrgizilýde», - dedi vedomstvodan.
