Jyljymaıtyn múlik naryǵyndaǵy qyzmetter kólemi bir jylda 15%-ke ósti
ASTANA. QazAqparat - 2017 jyldyń birinshi jartyjyldyǵyndaǵy kórsetkish boıynsha jyljymaıtyn múlik naryǵy qyzmetteriniń kólemi byltyrǵy jylmen salystyrǵanda 188,48 mlrd teńgege - 14,6%-ǵa artty, dep habarlaıdy Energyprom.
Rıeltorlyq qyzmetter ásirese elimizdiń qarjy ortalyǵy - Almatyda úlken basymdylyqqa ıe (38,8% QR-dan, 73,16 mlrd tg, + bir jylda 24,3%) jáne elordada (21% QR-dan, 39,59 mlrd tg, + bir jylda 24,9%).
Sondaı-aq, sektordaǵy qyzmetterge suranys ósimi Aqtóbe oblysynda da baıqalady - bir jylda birden +55,9%-ke, 6,05 mlrd teńgege deıin ósken.
2017 jyldyń shilde aıyndaǵy kórsetkish boıynsha satý-satyp alý kelisimderiniń sany 21,7 myńdy qurady, ıaǵnı 2017 jyldyń mamyr aıymen salystyrǵanda 7,8%-ke artyq jáne byltyrǵy jylmen salystyrǵanda, birden 26,2%-ke kóterilgen. Eń úlken ósim kópqabatty úılerdegi páterlerde baıqaldy: jyldan jylǵa +29,6%, 14,3 myńǵa deıin. Jeke úıler boıynsha kelisimder sany bir jylda 20,5%, ıaǵnı 7,4 myńǵa deıin ósti.
Rıeltorlardyń pikirinshe, birden ósý baıqalmaıdy, al statıstıkalyq málimetterde esepteý ádistemesiniń ereksheligimen túsindiriledi.
Qazaqstan rıeltorlarynyń birlesken qaýymdastyǵy músheleriniń aıtýynsha, ósim kórsetkishine naryqtaǵy kelisimder sanynyń ósýi emes, bastapqy turǵyn úıge degen suranys pen turǵyn úıdiń paıdalanýǵa berilýiniń jyldamdyǵy áser etedi.
Máselen, Homsters.kz portalynda shilde aıynda kópqabatty úılerden páter satyp alý ótinishteri bir aıda 20,6%-ke jáne bir jylda 47%-ke artty. Turǵyn úı naryǵyndaǵy ortasha baǵanyń tómendeýi jalǵasyp keledi. Osylaısha, shilde aıynda jańa úı satyp alý baǵasy bir jylda 1,5%-ke tómendedi, ekinshi deńgeıli naryqtaǵy kópqabatty úıden páter satyp alý quny - 1,7%, kópqabatty emes úılerde - 0,6%, elıtaly úıler - 0,4%.
Osy kezeńdegi jalǵa alý baǵasy kerisinshe ósip keledi: bir jylda +1,7%-dy qurady.
Shilde aıyndaǵy kórsetkish boıynsha jyljymaıtyn múlikpen aınalysatyn kompanııalardyń sany bir jylda 0,3%-ǵa, 17,3 myńǵa deıin artty.
Olardyń qatarynda jumys istep kele jatqandary 11,7 myń (bir jylda +0,1%), belsendileri - 8,5 myń (bir jylda +2,6%).
