Jyljymaıtyn múlik naryǵyndaǵy kelisim sany 31% ulǵaıdy
ASTANA. QazAqparat - 2017 jyldyń qańtar-naýryz aılarynda Qazaqstanda 50,7 myń kelisim jasalǵan, bul 2016 jylǵy kezeńniń satyp alý deńgeıimen salystyrǵanda 31% kóbirek, dep habarlaıdy ranking.kz.
2016 jyly turǵyn úı jyljymaıtyn múlik naryǵy jandana tústi jáne 2017 jyly ekonomıkalyq ósim qarqynynyń baıaýlaýyna jáne ınflıatsııa qysymyna qaramastan jandaný úrdisi jalǵasty. Osylaısha, 2016 jyly turǵyn úı satyp alý boıynsha 190 myńnan astam kelisim bekitildi. Bul 2015 jylǵy kórsetkishpen salystyrǵanda 15% kóbirek.
2014-2015 jyldary ulttyq valıýtanyń eki fazaly devalvatsııasy kezinde satýshylar men satyp alýshylar satylym nysandaryn ádil baǵalaý negizderin taba almady, sharshy metr quny bir aıda 5% deıin qymbattap ketýi múmkin edi.
Alaıda, 2016 jyldyń ekinshi toqsanynda naryq qatysýshylary sabasyna tústi - oǵan valıýta naryǵyndaǵy jaǵdaıdy turaqtandyrý yqpal etti - baǵalar da is júzinde ózgerýdi qoıdy.
Qazaqstandyqtar tabysynyń satyp alý qabiletiniń óskeni týraly habarlamalar da turǵyn úıdi satý men satyp alý naryǵyndaǵy qarqyndy jedeldetýge áser etýde. 2016 jyly Qazaqstanda naqty tabys tómendedi, alaıda satyp alýshylar devalvatsııanyń jańa tolqynynan qaýiptenip, baspana alýǵa asyqty.
Bıyl halyqtyń naqty aqshalaı tabys ındeksi joǵarylady - bir jyl burynǵy deńgeımen salystyrǵanda bul kórsetkish 0,6% (qańtar-aqpan) ósken. Atalǵan fakt jáne ınflıatsııany toqtatý turǵyn úı naryǵyndaǵy belsendilik qarqynyn arttyrýǵa septigin tıgizýi múmkin.
