Jyljymaıtyn múlik qujattaryn elektrondy rásimdeý taǵy da jeńildeıdi

ASTANA. QazAqparat –QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın jyljymaıtyn múlik qujattaryn elektrondy negizde rásimdeý úderisin jetildire túsý kerektigin aıtty, dep habarlaıdy QazAqparat tilshisi.

«Múlikti tirkeý boıynsha qazir eshqandaı qıyndyq joq. Buryn onyń azaby kóp bolatyn. Qazir notarıýske barasyz, odan basqa eshqaıda barýdyń qajeti joq. Osymen boldy ǵoı dep oılaǵanmyn. Biraq olaı emes eken. Jyljymaıtyn múlikti atyńa tirkep bolǵan soń búkil kommýnaldyq qyzmetterdi óz atyńyzǵa aýdarý kerek eken. Onyń da óz azaby bar bolyp shyqty»,- dedi ol Astnada ótip jatqan Strategııalyq bastamalar formýynda.

Bolashaqta atalǵan protsedýranyń bárin bir mezette rásimdeý múmkindigi jasalmaq.

«Qazir bizdiń baǵdarlama jasaýshylar osy protsedýrany tolyqtaı qaıta formattaýdy oılastyryp jatyr. ıAǵnı, úıdi atyńyzǵa aýdarǵan soń, oǵan kóship, sodan keıin ǵana komýnaldyq qyzmetterdi rásimdeý kerek bolǵan edi. Biz sonyń bárin bir protsedýraǵa syıǵyzsaq deımiz. Tsıfrlyq memlekette osyndaı úderisterdiń bári jeke adamnyń jaǵdaıyna yńǵaıly bolatyndaı júıede jumys isteýi kerek», - dedi Baǵdat Mýsın.