Jyljymaıtyn múlik qory «Shar - Qurylys» kompanııasymen turǵyn úı qurylysyn qarjylandyrý týraly shart jasasty
ASTANA. Naýryzdyń 5-i. QazAqparat /Qanat Mámetqazyuly/ - «Samuryq-Qazyna» Jyljymaıtyn múlik qory» AQ jáne «Shar - Qurylys» JShS jalpy quny 2,2 mlrd. teńgeden asatyn somaǵa qurylysy aıaqtalmaǵan «Ertegi álemi» turǵyn-úı kesheni (1, 2 belgi) nysanynyń qurylysyna úlestik qatysý týraly shart jasasty,
dep habarlaıdy QazAqparat.
«Shar - Qurylys» JShS-men jasalǵan mámile Dırektorlar keńesiniń 2010 jylǵy qańtardyń 28-indegi № 19 sheshimimen maquldanǵan bolatyn. Sonymen qatar «Ertegi álemi» turǵyn úı keshenin qarjylandyrý Qazaqstan Respýblıkasy Úkimetiniń tıisti qaýlysymen kózdelgen.
Jyljymaıtyn múlik qorynyń ınvestıtsııalyq saıasatyna sáıkes qurylysqa bólingen qarajatty shyǵyndaý tek aldyn ala jasalǵan jazbasha ruqsat boıynsha ǵana júzege asyrylatyn bolady, bul qarjynyń maqsatqa saı emes paıdalanýyn boldyrmaı, nysan qurylysyn tıimdi baqylaýǵa alýǵa múmkindik beredi. Jobany iske asyrý kezinde sondaı-aq qazaqstandyq ónim óndirýshilerge basa kóńil aýdarylatyn bolady.
Sharttyń talaptaryna sáıkes, nysandaǵy qurylys jumystary 2011 jylǵy shildeniń 1-ine deıin aıaqtalýy tıis, al ony paıdalanýǵa berý merzimi 2011 jylǵy qarashanyń 1-ine josparlanyp otyr. Jobany iske asyrý nátıjesinde Jyljymaıtyn múlik qory jalpy aýdany 17,3 myń sharshy metrdi quraıtyn 170 páterdi jáne jalpy aýdany 6,8 myń sharshy metrdi quraıtyn kommertsııalyq úı-jaılardy ekonomıkalyq aınalymǵa engizedi.
Sonymen qatar jobanyń turaqtylyǵyn arttyrý maqsatynda shartta birqatar talaptar kózdeldi. Máselen, Jyljymaıtyn múlik qory, «Shar - Qurylys» JShS jáne «Eýrazııalyq bank» AQ arasynda úshjaqty kelisim jasalý kútiledi. Buǵan sáıkes bank qurylys salýshynyń múlki men Jyljymaıtyn múlik qory nysan qurylysyna bólingen qarajattan paıda óndirip almaýǵa mindetteledi. Onyń ústine qurylys salýshy birinshi kepil ustaýshy retinde jer telimine jáne aıaqtalmaǵan qurylysqa kepil shartyn Jyljymaıtyn múlik ortalyǵyna tirkeýge tıis.
