Jyljymaıtyn múlik qory 2010 jyly Astana qalasynda 25 nysandy qarjylandyrady
ASTANA. Aqpannyń 9-y. QazAqparat /Ernur Aqanbaı/ - «Samuryq-Qazyna» qorynyń Jyljymaıtyn múlik qory 2010 jyly Astana qalasynda jalpy somasy - 104,7 mlrd. teńge bolatyn 25 nysandy qarjylandyrýdy josparlap otyr,
dep habarlaıdy QazAqparat Astana ákimshiginiń baspasóz qyzmetine silteme jasap.
«Osylaısha, Qordyń mindetteme portfeli 197,8 mlrd. teńgeni quraıdy. Bul 10 myń 100 úleskerdiń máselesin sheshýge múmkindik beredi», delingen habarlamada.
Baspasóz qyzmetiniń málimetinshe, Jyljymaıtyn múlik qory bıyl bas-aıaǵy 16 myń 169 páter satyp alatyn bolady. Olardyń 11 myń 488-i Astanadaǵy, 4 181-i Almaty men Almaty oblysyndaǵy, 500-i Aqtaý qalasyndaǵy páterler.
