Jyljymaly medıtsınalyq keshender 5 oblystyń shalǵaı aýdandaryna barady
QR Densaýlyq saqtaý jáne áleýmettik damý mınıstrligi baspasóz qyzmetiniń habarlaýynsha, atalǵan kúnderi JMK Qyzylorda oblysynyń Shıeli, Jalaǵash, Aral, Syrdarııa aýdandarynyń Toqmaǵambetov, «Bógen», «Eńbek», Bekejanov dárigerlik ambýlatorııalaryna barady. Mobıldi medıtsınalyq brıgadalardyń quramyna terapevtik, kardıologııalyq, endokrınologııalyq, onkologııalyq qyzmet mamandary men salaýatty ómir saltyn qalyptastyrý aımaqtyq ortalyǵynyń mamandary kiredi.
15-16 tamyz kúnderi Jańaózen qalasy men Mańǵystaý oblysy Qaraqııa aýdany Senek aýylynyń turǵyndary tegin skrınıngtik tekserýden ótip, okýlıst, oftalmolog, terapevt, pýlmonolog, kardıolog jáne pedıatr mamandarynyń keńesin alatyn bolady.
16 tamyzda áleýmettik máni bar aýrýlardy erte kezde anyqtap, olardy ári qaraı dıspanserlik baqylaý men saýyqtyrý maqsatynda Qostanaı oblysy Áýlıekól aýdany Kalınıno jáne Lesnoe aýyldarynyń turǵyndaryna beıindi mamandar brıgadasy konsýltatsııa beredi.
16-17 tamyz kúnderi Pavlodar oblysy Lebıaji aýdany Malybaı, Qazy aýyldarynyń turǵyndaryn terapevt, pedıatr, okýlıst, otolarıngolog, gınekolog, stomatolog dárigerler, sondaı-aq, rentgen-kabınetter jáne klınıkalyq zerthana mamandary tekseretin bolady.
17 tamyzda jyljymaly medıtsınalyq keshender Shyǵys Qazaqstan oblysy Kókpekti aýdany Terekti aýylyna barady.
Esterińizge sala keteıik, aǵymdaǵy jylǵy 1 shilde men 31 tamyz aralyǵynda respýblıka boıynsha «Densaýlyq joly - 2016» keń kólemdi aktsııasy ótedi. Onyń maqsaty - salaýatty ómir saltyn qalyptastyrý jáne kóptegen aýrýlardyń aldyn alý máseleleri boıynsha aýyl turǵyndaryna aqparattyq bilim berý jáne praktıkalyq kómek kórsetý bolyp tabylady.