Jyljymaly keshender elimizdiń shalǵaı aýyldaryn aralap, tegin medıtsınalyq kómek kórsetedi

ASTANA. QazAqparat - «Densaýlyq joly-2015» respýblıkalyq aktsııasy sheńberinde 17 jáne 23 tamyz aralyǵynda jyljymaly medıtsınalyq keshender Mańǵystaý oblysy Munaıly jáne Mańǵystaý aýdandarynyń shalǵaıdaǵy aýyldaryna barady, dep habarlaıdy QR DSÁDM mınıstrliginiń baspasóz qyzmetinen.

Qyzan, Jynǵyldy, Basqudyk, 3-Mańǵystaý aýyldarynyń turǵyndary tegin skrınıngtik tekserýlerden ótip, áleýmettik mańyzdy aýrýlar boıynsha aqysyz medıtsınalyq kómek alatyn bolady. Jumyldyrý toptarynyń quramynda kóz dárigerleri, oftalmologtar, hırýrgtar, akýsher-gınekologtar, terapevter, pýlmonologtar, pedıatrlar jáne kardıologtar bar.

Osy kúnderi jyljymaly medıtsınalyq kesheńder Qaraǵandy oblysy Shet aýdanynyń Kaıraqty, Erkindik, Jumysker aýyldaryna barady. Medıtsınalyq kómekpen jasóspirimder, jastar, barlyq menshik túrindegi uıymdardyń jumys berýshileri jáne jumyskerleri sııaqty maqsatty toptar qamtylady.

17 tamyzda jyljymaly medıtsınalyq keshender Aqmola oblysynyń Qorǵaljyn aýdanyna, 19 jáne 20 tamyz aralyǵynda Jaqsy, Esil, Jarqaıyń aýdandaryna barady. Kampanııa oblystyń medıtsına uıymdarynyń jáne salaýatty ómir saltyn qalyptastyrý ortalyǵy mamandarynyń qatysýymen uıymdastyrylady.

Al 19 tamyzda jyljymaly medıtsınalyq keshenderdiń Qostanaı oblysynyń Qarasý aýdanyna shyǵýy josparlanýda.

Aýyl turǵyndaryna salaýatty ómir saltyn qalyptastyrý máseleleri, áleýmettik mańyzdy aýrýlar boıynsha oqý-aqparattyq jáne tájirıbelik kómek kórsetý maqsatynda aǵymdaǵy jylǵy 1 shilde men 31 tamyz aralyǵynda respýblıkanyń barlyq óńirlerinde «Densaýlyq joly-2015» keń kólemdegi aktsııasy ótip jatqanyn esterińizge salamyz.