Jylyjaılardan 80 myń tonna kókónis ónimderi jınaldy - OQO
ShYMKENT. QazAqparat - OQO-da birinshi jartyjyldyqtyń qorytyndysymen aýyl sharýashylyǵy jalpy ónim kólemi 123 mlrd teńgeni qurady. Bul týraly búgin Elbasynyń júktegen fýnktsııalary men mindetteriniń oryndalýy boıynsha oblystyq máslıhat depýtattarynyń aldyndaǵy esebinde OQO ákimi Beıbit Atamqulov málim etti.
«Óńirimizdiń agrarly ekenin eskere otyryp, aýyl sharýashylyǵynyń damýyna erekshe nazar aýdarylýda. Salany qoldaýǵa jalpy 29 mlrd teńge baǵyttalyp otyr.
Egis kólemin ulǵaıtý, ıesiz jerlerdi ıgerý, zamanaýı tehnologııamen tamshylatyp sýarý ádisin keńinen engizý, jylyjaı qurylystary, mal basyn asyldandyrý boıynsha jumystar júrgizilýde. Birinshi jartyjyldyqtyń qorytyndysymen aýyl sharýashylyǵy jalpy ónim kólemi 123 mlrd teńgeni qurap, 2 paıyzǵa artty», - dedi ákim.
Onyń aıtýynsha, egis kólemi ótken jyldan 13 myń gektarǵa artyp, 788 myń gektardy qurady. Sýarmaly 466 myń gektar jerdiń 93 paıyzy ıgerilýde (434 myń ga).
«Aǵymdaǵy jyly dándik júgeriden 108,4 myń tonna, kókónisten 811 myń tonna, baqshadan 1 252 myń tonna, kartoptan 195 myń tonna, masaqty daqyldardan 470 myń tonna ónim jınaldy. Alǵash ret bıdaıdyń ortasha ónimdiligi 22 tsentnerdi qurap (2015 j. - 17,8 ts/ga), rekordtyq ónim alyndy», - dedi B. Atamqulov.
Atap aıtqanda, óńirde tamshylatyp sýǵarý ádisi qosymsha 6 000 jýyq gektarǵa endirilip, jalpy kólemi 49,7 myń gektarǵa jetti (Respýblıkadaǵy úlesi 73%).
Jylyjaılar qosymsha 72 gektarǵa salynyp, jalpy 1 098 gektardy (respýblıkadaǵy úlesi 87%) qamtydy. Osy jylyjaılardan 80 myń tonna kókónis ónimderi jınaldy. Al tereń qopsytý tehnologııasy 89 myń gektarǵa engizildi.
