Jylytý peshterin qalaı paıdalanǵan jón - mamandar keńesi
Qazirgi ýaqytta oblystyń barlyq qalasy men aýdanynda órt qaýipsizdigin baqylaý boıynsha turǵyndarmen kezdesýler ótkizilýde. Mamandardyń aıtýynsha, jadynamalar men aqparattyq paraqshalardy taratý da órt qaýipsizdigin saqtaýǵa septigin tıgizedi.
«Aqpan aıynyń aıazdy kúnderi Qostanaı oblysy TJD qyzmetkerleri úılerdegi elektr symdary men jylytý peshteriniń jaı-kúıin baıqaý, jeke sektor turǵyndaryna órt qaýipsizdigi qaǵıdalaryn saqtaý týraly eske salý úshin aýlalardy aralady. Komıssııa quramynda órt sóndirýshiler men polıtsııa qyzmetkerleri, sondaı-aq atqarýshy organdardyń jáne halyqty áleýmettik qorǵaý ókilderi bar. Máselen, «Elevatorşık» qoǵamdyq saıajaıy gazdandyrylmaǵan, sondyqtan qys mezgilinde negizgi jylý kózi - pesh jaǵý. Jylytý peshteri men elektr jabdyqtary talapqa saı bolýy tıis», - dep atap ótti vedomstvodaǵylar.
Departament qyzmetkerleri júrgizgen reıd sharalary barysynda turǵyndardyń jylytý peshterine salǵyrt qaraıtyndyǵy baıqaldy. Atap aıtqanda, jeke úılerdiń ishindegi elektr symdary jańarmaǵan. Sonymen qatar, peshtiń aldynda qańyltyr paraqshalary bolýy kerek. Kóptegen aqaýlyqtar usaq-túıekterden bastalady dep eskertedi TJD ókilderi.
«Úı-jaılardy jylytý úshin elektr jylytý quraldary paıdalanylady. Sonyń ishinde qoldan jasalǵan peshter únemi qaýipsiz emes. Symdardyń oqshaýlamasy tutanýy ábden múmkin. Sondyqtan elektr jylytqyshty paıdalaný kezinde barynsha saq bolý kerek. Arnaıy zaýyttardan shyqqan peshterdi qoldaný usynylady. Úıden shyǵar kezde olardy sóndirip otyrǵan durys»,- dep eskertedi mamandar.
Buǵan deıin oblystyq TJD boran men aıazda jolda qalyp qoıǵan kólik júrgizýshilerine barynsha saq bolý kerektigin eskertken edi.