Jylytý maýsymyndaǵy saqtyq sharalary túsindirildi - Túrkistan

TÚRKІSTAN. QazAqparat - Túrkistan oblysynda órt jaǵdaıy búgingi tańda byltyrǵy jylmen salystyrǵanda 30 paıyzǵa ósken. Bul týraly Túrkistan oblysy óńirlik kommýnıkatsııalar qyzmetinde ótken brıfıngte Túrkistan oblysy Tótenshe jaǵdaılar departamentiniń bastyǵy azamattyq qorǵaý polkovnıgi N. Júnisov málim etti, dep habarlaıdy QazAqparat.

Adamdardyń gazben ýlanýdan qaıtys bolý jáne jaraqat alýynyń aldyn alý maqsatynda jyl saıyn jylý berý maýsymynyń aldynda, ıaǵnı 15 tamyz ben 15 qyrkúıek aralyǵynda oblys aýmaǵynda órt qaýipsizdik aılyǵy júrgiziledi. Sonymen qatar, departamenttiń qyzmetkerleri jergilikti polıtsııa qyzmetiniń qyzmetkerlerimen birlesip reıdter uıymdastyryp, jeke turǵyn úı sektoryn aralap, turǵyndarmen kezdesý ótkizedi. Qazirgi tańda turǵyn jaılardy aralaý, jergilikti polıtsııa qyzmetkerlerimen birlesken reıdter kúsheıtilip ótkizilýde, órt qaýipsizdik aılyǵy, gaz qyzmetteriniń jumysshylarymen birlesken túsindirý jumystary júrgizilýde, peshter men jylytý qurylǵylary tekserilýde.

«Qala jáne aýdandarda 384 adamnan turatyn 78 jumys toby qurylǵan bolatyn, onyń quramyna tótenshe jaǵdaılar, polıtsııa, gaz sharýashylyǵy, energııa qyzmetteriniń ókilderi engizilgen. Atalǵan jumys tobynyń mindetteri - jeke turǵyn úılerdi tekserý, qaýipsizdik erejelerin buzýshylardy anyqtaý jáne olardy joıý boıynsha jedel sharalar qabyldaý. ıAǵnı, top músheleriniń árqaısysy qyzmet baǵyty boıynsha turǵyn úıdi tekserip jáne qaýipsizdik sharalaryn saqtaý, jylytý jabdyǵyn durys paıdalaný boıynsha usynystar beredi. Qurylǵan jumys tobymen jáne shtabtarmen jumystar uıymdastyrylyp júrgizilýde. Atap aıtqanda, top 6315 úıdi aralap, 25 247 adamǵa túsindirý jumystaryn ótkizdi. Osy is-sharǵa 86 erikti stýdentter jumyldyrylyp, 2652 úıdiń pesh qondyrylǵan jóndelgen, 3015 úıdiń elektr júıeleri retke keltirildi», – dedi N. Júnisov. Sondaı-aq, departament bastyǵy baspasóz máslıhatanda oblys turǵyndaryna jylytý maýsymynyń aldynda órt qaýipsizdiginiń erejelerin saqtaý kerektigin eskertip, aldyn alý erejelerin saqtaý qajettigin aıtty.