Jylytý maýsymynda 15 adam tabıǵı gazdan ýlanyp kóz jumdy
ASTANA. QazAqparat - Jylytý maýsymy kezinde Qazaqstanda ystan ýlanýdyń 132 oqıǵasy tirkeldi. Bul týraly búgin Ortalyq kommýnıkatsııalar qyzmetinde QR Іshki ister mınıstriniń orynbasary ıÝrıı Ilın málim etti, dep habarlaıdy QazAqparat.
Vıtse-mınıstrdiń atap ótkenindeı, jylytý maýsymynda peshtegi aqaýlardyń saldarynan japa shekken adamdar sany kúrt kóbeıedi.
«Bizde ystan ýlanýdyń 132 oqıǵasy tirkeldi. Olardyń ishinde 67-si - balalar. Ókinishke oraı, kóz jumǵandar bar. 7 adam qaza tapty. Tabıǵı gazdan ýlanǵandardyń sany - 54. Olardyń ishinde 15 adam jantásilim etti. Onyń basty sebebi - bizdiń keıbir óńirlerde halyqpen gaz jabdyqtaryn qaýipsiz paıdalaný boıynsha sharalardy júrgizetin gaz jáne tehnıkalyq ınspektsııanyń joqtyǵy», - dep atap ótti ol.
Onyń sózine qaraǵanda, halyq kún sýyǵanda, óz qaýipsizdigine nemquraılylyq tanytady, sonyń kesirinen úıge ys taraǵan kezde túgeldeı bir otbasy japa shegedi.
«Mysaly, Jambyl oblysynda turǵyndardyń biri óz qolymen gazben jylytý qurylǵysyn jasap, ystyń shyǵatyn murjasyn salmaǵan. Nátıjesinde tabıǵı gazdan ýlanyp, qaıtys boldy. Ony úıden shyǵarýǵa kómektesken otbasy da ýlandy, degenmen olardyń qatarynan adam shyǵyny bolǵan joq», - deıdi ıÝ. Ilın.
