Jylytý maýsymyna daıyndalý úshin josparlanǵan elektr jelileriniń 90 paıyzy jóndeýden ótkizildi
ASTANA. Qyrkúıektiń 13-i. QazAqparat /Ernur Aqanbaı/ - Aldaǵy jylytý maýsymyna daıyndyq sheńberinde elimizde josparlanǵan elektr jelileriniń 90 paıyzy jóndeýden ótkizildi. «Aldaǵy jylytý maýsymynda 46,1 shaqyrym elektr ótkizgishterdi jóndeý josparlanyp otyr.
Bul rette is júzinde 41,4 shaqyrym jóndeýden ótkizildi, bul respýblıka boıynsha 90 paıyzdy quraıdy», dedi búgin selektorlyq formattaǵy Úkimet otyrysynda Qurylys jáne turǵyn úı-kommýnaldyq sharýashylyq isteri agenttiginiń tóraǵasy Serik Nokın.
Onyń sózine qaraǵanda, elektr ótkizgish jelilerin jóndeý jumystary Aqmola, Atyraý, Qaraǵandy, Ońtústik Qazaqstan oblystarynda jáne Almaty qalasynda jaqsy qarqynmen erekshelenip otyr. Bul jerlerde daıyndyq deńgeıi 96 paıyzdy quraıdy. «Bul rette elektr jelilerin jóndeýde Qostanaı (58 paıyz) jáne Astana qalasynda (66 paıyz) kesteden qalyp qoıýshylyq baıqalady», dedi ol.
