Jylytý maýsymy tótenshe jaǵdaısyz ótti - I.Tasmaǵambetov
ASTANA. 11 sáýir. QazAqparat - Jylytý maýsymy tótenshe jaǵdaısyz ótti.
Bul týraly búgin Astanada kúzgi-qysqy maýsymnyń aıaqtalýyna arnalǵan keńeıtilgen alqa májilisinde qala ákimi Imanǵalı Tasmaǵambetov málim etti.
«Jylytý maýsymy 2012 jyly 5 qazan kúni bastaldy. Qys mezgilinde jaýyn-shashyn mol túskendigin bilesizder, onyń mólsheri ádettegiden 50 paıyzǵa kóp boldy. Kúrtik qar keıbir aýdandardy basyp qaldy. Degenmen kúzgi-qysqy mezgil tótenshe jaǵdaısyz ótti. Biraq bizge taza tehnıkalyq, ónerkásiptik salada oryn alǵan máselelerge taǵy bir taldaý jasap, kelesi jylytý maýsymyna daıyndyqty bastaý qajet», - dep atap ótti ol.
Sonymen qatar qala basshysy, kelesi maýsymǵa deıin Astanadaǵy JES-1 jáne JES-2 jańǵyrtý jumystaryn aıaqtaýdy jáne memlekettik baǵdarlamamen salynǵan turǵyn úılerge jylý qubyrlaryn júrgizýdi tapsyrdy.
