Jylytý maýsymy bastalǵaly 16 adam órtten qaza boldy - mınıstrlik

ASTANA. QazAqparat – Elimizde jyl saıyn 12 myńnan astam órt bolyp, saldarynan 400-den astam adam qaza tabady. QR Tótenshe jaǵdaılar mınıstriniń orynbasary Marat Kúldikov osnydaı málimet berdi, dep habarlaıdy QazAqparat tilshisi.

«Elimizde jyl saıyn on eki myńnan astam órt oryn alady, onyń saldarynan tórt júzden astam adam qaza tabady. Bul rette órtterdiń jáne qaza tapqan adamdardyń negizgi úlesi turǵyn úı sektorynda tirkelgen.

Aǵymdaǵy jylǵy birinshi qazannan bastap respýblıka boıynsha jylý berý kezeńi bastaldy. Qazirdiń ózinde respýblıka boıynsha 835 órt tirkelip, 16 adam qaza tapty», - dedi vıtse-mınıstr.

Degenmen ol órt kórsetkishi byltyrǵyǵa qaraǵanda az ekenin atap ótti.

«Byltyrǵy jylmen salystyrǵanda, órt sany 7,3% azaıyp, adam ólimi 33,3% tómendegeni baıqalyp otyr», - dedi Marat Kúldikov.