Jylyoıda servıstik ákimdik ashyldy
Jylyoı aýdany azamattarynyń endi ár mekenjaıda ornalasqan bólimderge barmaı, barlyq ótinishin servıstik ákimdikke bere alady. Aýdan ákimi Halel Jamalovtyń málimetinshe, bul bastama azamattarǵa yńǵaıly jaǵdaı jasaýǵa maqsatynda qolǵa alynǵan.
«Memlekettik organ jumysynyń jańa modeli halyqqa «bir tereze» qaǵıdatymen áleýmettik mańyzdy máseleler boıynsha memlekettik qyzmet kórsetip, keńes berýdi kózdeıdi. «Servıstik ákimdiktiń» maqsaty – jemqorlyqpen kúresip, kásibı qyzmettiń ashyqtyǵyn qamtamasyz etý, ákimderdiń jaýapkershiligin kúsheıtý. Sonymen qatar, munda «óz-ózine qyzmet kórsetý» buryshy men «Atyraý – adaldyq alańynyń» Jylyoı aýdandyq jobalyq keńse ókili turǵyndarǵa tıimdi qyzmet usynady», - deıdi Sybaılas jemqorlyqqa qarsy is-qımyl departamenti basshysynyń birinshi orynbasary Aıdom Mamyt.
Aıta ketelik, Jylyoıdaǵy «Servıstik ákimdik» aýdandyq ákimdikter arasynda ashylǵan alǵashqy nusqa bolyp otyr.
