Jylyoıda koronavırýstan 48 jastaǵy áıel qaıtys boldy
ATYRAÝ. QazAqparat –Atyraý oblysynda koronavırýstan Jylyoı aýdanynyń 48 jastaǵy turǵyny qaıtys boldy. Bul –qaýipti indetten kóz jumǵan tórtinshi adam, dep habarlaıdy QazAqparat.
Oblystyq densaýlyq saqtaý basqarmasynyń málimetine súıensek, 1972 jyly týǵan naýqas 15 maýsymda kóz jumǵan. Ol 13 maýsymda dene qyzýynyń kóterilýi, tynys alýy qıyndyǵy men azdaǵan jótelge shaǵymdanyp, Jylyoı aýdandyq aýrýhanasynyń provızorlyq bólimine jedel járdem arqyly jetkizilgen. Oǵan KT saraptamasy jasalǵan soń, ókpesiniń 50%-nyń qabynýy anyqtalǵan.
«Jaǵdaıynyń aýyrlyǵyna baılanysty ınfektsııalyq aýrýhananyń boks palatasyna jatqyzylyp, kómek kórsetildi. Oblystyq aýrýhananyń dárigerlerimen keńese otyryp, jasandy ókpeni jasandy jeldetý apparatyna qosý týraly sheshim qabyldandy. Alaıda, dárigerler tarapynan jasalǵan kómekke qaramastan, naýqas 15 maýsym kúni qaıtys boldy» -dep habarlady oblystyq densaýlyq saqtaý basqarmasynan.
Naýqas buǵan deıin densaýlyǵyna baılanysty esepte turmaǵan.
Eske sala ketelik, budan buryn Atyraýda úshinshi adam qaıtys bolǵan edi. Sondaı-aq, ákimdik pen NCOC qyzmetkeri koronavırýs juqtyrdy.
