Jylyoı aýdanynyń jastary boksshy Qanat Islammen kezdesti
ATYRAÝ. QazAqparat - Atyraýdyń Jylyoı aýdanyna jastar kúnine oraı, kásipqoı boksshy, Olımpıada oıyndarynyń jáne álem chempıonattarynyń júldegeri Qanat Islam keldi, dep habarlaıdy QazAqparat tilshisi.
Jylyoı aýdanynyń ákimi Azamat Bekettiń shaqyrtýymen saltanat saraıynda ótken erkin formattaǵy jıyn jastarǵa arnaıy uıymdastyryldy.
«Qazirgi kezde jastardyń bos ýaqyty kóp. Ony tıimdi paıdalaný úshin ne isteý kerek? Jastarǵa úlgi bolyp, aqyl aıtar kim bar? degende eń aldymen olar Qanat Islamnyń kelgenin qalady. Búgin sol aýdan jastarynyń ótinishin oryndap, qazaqtyń batyryna aınalǵan Qanat Islamdy arnaıy shaqyrttym», - dedi aýdan ákimi A.Beket.
Kezdesý barysynda boksshy óziniń ómir joly týraly, kezdestirgen qıyndyqtar men olardy jeńý joldary jaıynda keńirek aıtyp ketti. Odan bólek, kóptegen suraqtar qoıylyp, tipti Qanat aǵalaryna arnap aýdan jastary jyr joldaryn arnady.
