Jylyoı aýdanynda karantın 2 shildege deıin uzartyldy
ATYRAÝ. QazAqparat – Atyraý oblysynyń Jylyoı aýdanynda karantın merzimi 2 shildege deıin uzartyldy, dep habarlaıdy QazAqparat.
Bul týraly Jylyoı aýdanynyń bas memlekettik sanıtarlyq dárigeri Talǵat Habıbýllınniń qaýlysynda aıtylǵan.
«Jylyoı aýdanynda epıdemıologııalyq jaǵdaı tolyq turaqtaný úshin karantın rejımi jáne shekteý sharalary 2020 jyldyń 2 shildesine deıin uzartylsyn» delingen qujatta.
Sondaı-aq, 18 maýsym saǵat 07:00-den bastap kúsheıtilgen sanıtarlyq-dezınfektsııalyq sharalarǵa qatysty birneshe ýaqytsha shekteýler belgilengen. Onyń ishinde jınalystardy, keńesterdi, semınarlardy, konferentsııalardy selektorlyq rejımde jáne beınekonferentsbaılanyspen ótkizý arqyly memlekettik organdar men kvazımemlekettik sektor uıymdary qyzmetkerleriniń 80%-yn qashyqtan jumys jasaý formasyna aýystyrý da bar. Osy kezge deıingi shekteýler talaby burynǵysha saqtala beredi.
Buǵan deıin Atyraýda taǵy eki adamnyń qaıtys bolǵanyn habarlap edik.
