Jyly júzdesý, baıandy bastamalar

Oblys ákimi Amandyq Batalov bıyl ushý-qoný jolaǵyna, perronǵa, áýejaı mańyndaǵy alańǵa kúrdeli jóndeý júrgiziletinin jetkizdi. Bıyl áýejaıda jańa aeronavıgatsııalyq keshen paıdalanýǵa berildi. Bul maqsatqa respýblıkalyq bıýdjetten 11 mıllıard teńgeden astam qarjy bólingen. Taldyqorǵan áýejaıy keleshekte Qyrǵyzstan, Reseı, Qytaı jáne basqa da kórshiles eldermen oblys ortalyǵyn baılanystyratyn bolady, dep jazady »Jetisý» gazeti.

Nursultan Ábishuly Eskeldi aýdanyndaǵy «Nam G.N.» sharýa qojalyǵynyń jumysymen de tanysty. Sharýashylyq basshysy German Nam qojalyq jetistikterin egjeı-tegjeıli áńgimelep berdi. Іrgetasy 2002 jyly qalanǵan «Nam G.N.» sharýa qojalyǵy menshigindegi 75 myń gektar jerge negizinen aýylsharýashylyq daqyldaryn ósiredi. Onyń ishinde 25 gektarǵa qant qyzylshasy, 11 gektarǵa soıa, 30 gektarǵa kartop, 9 gektarǵa kúzdik bıdaı egilgen. Atshaptyrym alqaptaǵy qant qyzylshasy men soıa egistikterin aralap kórgen Memleket basshysy arnaıy jaıylǵan shatyr astyna qoıylǵan kórsetkishter taqtasyndaǵy málimetterdi saralady. Osydan eki jyl buryn, 2014 jyly tamyzda Jetisý jerine jumys saparymen kelgen Memleket basshysy osy óńirde erteden qalyptasqan qyzylsha sharýashylyǵyn qaıta jańǵyrtýdy tapsyrǵan bolatyn. Osyǵan oraı oblysta aýqymdy jumystar atqarylyp, qyzylsha ósirýshilerge jan-jaqty qoldaý, kómek kórsetildi. Atap aıtqanda, memleketten bólingen 240 mıllıon teńge sýbsıdııaǵa arnaıy tehnıka, sapaly tuqym, tyńaıtqysh, gerbıtsıd, janar-jaǵarmaı, ónimdi shalǵaı aýdandardan jetkizýge qajetti júk kólikteri satyp alyndy. Odan bólek, qant zaýyttary men qyzylsha qabyldaý pýnktteri qalpyna keltirilip jatyr.

Oblys ákiminiń orynbasary Serikjan Beskempirov keltirgen málimetterge qaraǵanda bıyl oblystyń 932 myń gektar alqabyna aýylshar­ýashylyq daqyldary sebilgen. Onyń ishinde Elbasy ózi erekshe kóńil bólip otyrǵan qant qyzylshasy 6,8 myń gektar alqapty alyp otyr. Osyǵan baılanysty memleket tarapynan qarjylandyrylyp otyrǵan salalardyń shyǵynyn azaıtýdy tapsyrdy. Oǵan jaýap retinde oblys ákiminiń orynbasary Serikjan Beskempirov:

- Aldaǵy 2020 jylǵa qaraı qant qyzylshasynyń egistigin 14 myń gektarǵa ulǵaıtyp, ortasha ónimdilik gektarynan 375 tsentnerge deıin jetedi dep otyrmyz. Sol arqyly oblys kólemindegi qantqa degen suranysty tolyǵymen jabamyz, - dedi.

- Oblys turǵyndarynyń suranysyn ba?

- Iá, Jetisý jerindegi halyqtyń suranysyn.

- Respýblıkaǵa qashan kómektesesińder?

- Sátin salsa, sodan ary qaraı elimizdiń barlyq aımaqtaryn qamtamasyz etemiz.

Oblys basshylyǵynan qant qyzylshasynan bólek júgeri ósirýdiń ózekti máselelerin surap bilgen Elbasy bul másele jóninde de arnaıy tapsyrmalar berdi. Ásirese, qant zaýyttaryn iske qosýdyń ózektiligin jetkizip, sol arqyly halyqty jumyspen qamtýǵa bolatynyn aıtqan Serikjan Іslıamuly byltyr 6 myń adamnyń jumysqa ornalasqanyn, keler jyly Aqsý qant zaýyty iske qosylǵanda taǵy 7 myń adam jumyspen qamtylatynyn atap ótti. Bıyl oblystaǵy 6,8 myń gektarǵa egilgen qant qyzylshasy Kóksý qant zaýytyn shıkizatpen qamtýǵa jetkilikti. Sonymen qatar, byltyr iske qosylǵan júgerini keptirip, úgitip daıyndaıtyn eki qyrmanda 27 myń tonna ónim óńdelgen.

Kórmege qoıylǵan alma, alqory, almurt sekildi jemisterdi qolmen ustap, olardyń bári de Almaty oblysynda ósirilgenin bilgen Elbasy Nursultan Nazarbaev sýarmaly jerlerdi tamshylatyp sýarý tásilin keńinen qoldanýdyń tıimdiligin eskertip, sý júretin kóne aryqtar men arnalardyń kózin arshý, tazartý jumystaryn jedeldetýdi tapsyrdy. Sonymen qatar, ıgerilmeı jatqan, qaraýsyz qalǵan jer telimderin anyqtap, memleket menshigine alý jumystaryn júrgizý qajettigin eskertti. Osyǵan baılanysty oblys ákimi Amandyq Batalov:

- Irrıgatsııalyq júıelerdi qalpyna keltirý jumystarynyń arqasynda biz 126 myń gektar jerdi qysqa ýaqyttyń ishinde qoldanystaǵy 486 myń gektar jerdiń qataryna qosa alamyz. Oǵan qajetti jobalyq-smetalyq qujattary jasalyp jatyr. Aldaǵy ýaqytta osy baǵytta jumys­tardy júrgizemiz, - dep qomaqty jobamen tanystyryp ótti.

Jetisýlyqtardyń mal basyn ósirýmen, et ónimderin óndirýmen aınalysýǵa múmkindigi mol ekendigin, soǵan saı 18 et zaýyty jumys isteıtinin surap bilgen Memleket basshysy mynadaı tapsyrma berdi.

- Biz aldaǵy ýaqytta kooperatsııany damytyp, jumys istep turǵan et óńdeý zaýyttarynyń jumysyn jandandyramyz. Óńirdegi  zaýyttar 40 paıyzdyq qýatpen jumys isteýde. Solaı ǵoı?! Solaı. Nege? Óıtkeni, etke jaramdy maldyń bári jekesheniń qolynda. Ony satyp alyp, zaýytqa jetkizýdi eshkim oılastyryp jatqan joq. Sonyń esebinen jumys istep turǵan zaýyttardy shıkizatpen tolyq qamtamasyz etýdi tapsyramyn. Jańasyn salýdyń keregi joq. Bizdegi et-sút kombınattarynyń bári de 30-40 paıyzdyq qýatpen jumys isteıdi. Shıkizat jetispeıdi. Sondyqtan sharýa qojalyqtary mal basyn kóbeıtip, semirtýdi qolǵa alsa, aqshasyn berip, satyp alýdy ǵana oılastyrý kerek. Osyndaı jumystardy tıimdi jolmen júrgizý qajet.

Bos jatqan jer bolmaýy tıis

Sút qabyldaıtyn zaýyttar men jekemenshiktiń, jekemenshik pen memleket arasyndaǵy áriptes­tikti nyǵaıtý arqyly qomaqty jetistikterge jetýge bolatynyn eskertip ótken Elbasy budan soń oblystyq jer qatynastary basqarmasynyń basshysy Jolan Omarovty tyńdap, oblys jerleriniń elektrondy kartasymen tanysty. Jańa tehnologııanyń kómegimen aýdan, aýyldyq okrýg bólinisindegi jalpy oblystyń jer qory, onyń sanattary, ıgerilmeı jatqan jer kólemi, sýarý júıeleri týraly málimetterdi alýǵa bolatynyn jetkizgen basqarma basshysy aýylsharýashylyq maqsatyndaǵy jerlerdi tıimdi paıdalaný úshin byltyr júrgizilgen túgendeý jumystarynyń kómegimen 272 myń gektar jerdiń bos jatqandyǵy anyqtalǵanyn atap ótti. Onyń ishinde 137 myń 610 gektar jer ákimshilik sharalardy qol­danýdyń arqa­synda qaıta­ry­lyp, jer paıdalaný­shy­larǵa be­rilgen. Sonymen qatar, 48 myń 800 gektar jer ıesiz múlik retinde esepke aly­nyp, 87 myń gektar alqap jer­­di paı­dalaný men qorǵaý basqar­ma­synyń qada­ǵa­laýyna berilgen. Osyǵan baılanysty Nursultan Ábishuly:

- Buryn alyp, paıdalanylmaı otyr­ǵan jerlerdiń bárin keri qaıtarý kerek. Ásirese, Almaty jaqtaǵy jerlerdi al­ǵan­dardyń bári sheneýnikter. Qolynda tur­ǵanda alyp, qujattaryn daıyn­dap, jer telimi retinde satýǵa ki­risedi. Óıtýge bol­maıdy. Ol jer­ge egin egemin, baqsha sa­lamyn dep aldy ǵoı. Egin ekpese jerdi qaı­tarýy kerek. Osyǵan baılanysty Bas prokýratýraǵa arnaıy tap­syrma ber­gen­min. Aıtqanyn oryn­damaı, kelisilgen mer­zimdi ótkizip alsa, memleketke qaı­tar­syn! - dep arnaıy tapsyrma berdi.

Elektrondy karta arqyly Aq­sý aýda­nynda 119 myń gektar jer­diń paıdala­nyl­maı jatqandy­ǵyn, sonyń 55 myń gek­tarynyń mem­leket menshigine qaıta­ryl­ǵanyn bilgen Memleket basshysy budan soń Talǵar aýdanynyń elektrondy kar­ta­syn ashýdy tapsyrdy. Onda 2 myń gektar jer paıdalanylmaı, qaraýsyz jatqanyn, 308 gektar jer ıesiz múlik retinde tirkelip, 664 gektar jerdiń paıda­la­ný­shy­larǵa berilgenin anyqtap bildi. Odan soń Qarasaı aýdanynda bir­de-bir gektar jerdiń bos jatpa­ǵan­dyǵyn bilgen Prezı­dent osy jumysty ary qaraı jalǵas­ty­ra berýdi tapsyrdy.

Budan soń Jarkent krahmal zaýy­ty­nyń, «Dáýlet-Beket» JShS-niń, alma sort­taryn ósire­tin sharýashylyqtardyń ónim­derimen tanysqan Elbasy oblys­tyq más­lıhat depýtattarynyń ótinishin tyń­dap, usynystaryna qulaq saldy.

Qazaqstan Respýblıkasynyń Pre­zı­denti Nursultan Nazarbaev Almaty ob­ly­syna jumys sapary barysynda ken­shiler qalasy Teke­lidegi «Tekeli kendi qaıta óńdeý kesheni» JShS-de boldy.

Memleket basshysy mono­qa­la­daǵy tir­­liktiń ýaqyt kóshinen qa­lyspaýyna ózin­­dik úlesin qosyp otyrǵan  kásip­oryn­­nyń jumysy­men tanysty.

Keshen basshylary   ınnova­tsııa­lyq tehnologııalardy qoldana otyryp, qaıta bal­qytylǵan shoıyn alý arqyly temir ón­dirý jáne óńdeý jónindegi jobanyń is­ke asyrylý barysyn, bolashaqta jú­ze­ge asy­rylar jobalardyń jaı-japsaryn baıan­dady.

KÓPSALALY aýrýhanada

Memleket basshysy Nursultan Nazar­baev osydan biraz ýaqyt buryn paı­dalanýǵa berilip, qala turǵyndaryna qyz­met kórsetýge kirisken Taldyqorǵan qa­lasynyń kóp­salaly aýrýhanasyna da ar­naıy at basyn burdy.

Jańa densaýlyq saqtaý meke­me­­sinde Qazaqstan Prezıdentine oblystyń den­saý­­lyq saqtaý júıe­sin damytýdyń basty ba­ǵyttary já­ne tıisti memlekettik baǵ­dar­lamalardyń iske asyrylý barysy baıan­daldy.

Sondaı-aq,  Nursultan Nazar­baev aý­rý­hana qyzmetkerlerimen kezdesti. Aq je­leńdi abzal jandar memleketimizde júr­­gizilip jatqan áleýmettik saıasatqa qol­daý bil­di­rip, densaýlyq saqtaý sala­sy­na kór­setilip otyrǵan qamqorlyq úshin Elbasyna rııasyz alǵys­taryn aıtty.

300 adamǵa shaqtalǵan medı­tsınalyq mekeme statsıonarlyq, statsıonardy al­mas­tyratyn joǵa­ry mamandandyrylǵan me­dı­tsı­nalyq kómek kórsetedi. Kópsa­la­ly aýrýhana jańa medıtsınalyq qu­ryl­ǵy­larmen jabdyqtalǵan.

Qurylysyna 9 371,0 mıllıon teńge jum­salǵan kóp beıindi aýrý­hanaǵa quny 4 094,0 mıllıon teńge turatyn zamanaýı me­dıtsınalyq jabdyqtar alynǵan. Bar­ly­ǵy 676 adamdy jumyspen qamtyp otyr­ǵan aýrýhanada 143 dáriger jumys is­teıdi. Jalpy alańy 33 885,6 shar­shy metrge teń aýrýhanada terapııa, hırýrgııa, polı­ja­ra­qat, qalpyna keltirý orto­hı­rýrgııasy, neırohı­rýrgııa, mınıınvazıvti hı­rýrgııa, otorınolarıngologııa jáne jaq-bet hı­rýr­gııasy, ýrologııa, oftal­mo­logııa bó­lim­sheleri jumys isteıdi. Odan bólek, magnıttik-rezonanstyq to­mograf, eksı­merlik lazer, baro­kamera, en­dovıdeo­hı­rýrgııalyq qu­rylǵy jáne t.b. jańa teh­no­lo­gııalar bar.

Elbasy jańadan ashylǵan Oqý­shylar saraıynda bolyp, 1800 ba­laǵa arnalǵan óner-bilim orta­ly­ǵynyń hımııa, fızıka kabınetterin aralap kórdi. Galereıaǵa qoıylǵan balalar qolymen salynǵan týyn­dylarǵa da erekshe nazar aýdardy.

Munda 52 úıirme jumys isteı­di. Qy­ryq jyldyq tarıhy bar «Sol­nyshko» horeo­grafııalyq bı an­sambli de osy Oqý­shylar sa­raıyn­da oryn tepken.  Nur­sul­tan Ábishuly  bı úıirmesindegi bala­lar­dyń ónerin tamashalap,  «Qama­jaıdy» myń burala bılegen jas ónerpazdarǵa súı­sine qarady.  Bu­dan soń domby­ra­shy­lar úıirmesine bas suǵyp, Qurman­ǵa­zy­nyń kúıi «Balbyraýyndy» kúmbirlete oı­­na­ǵan jet­kinshekterge shynaıy kóńi­li­men rıza­shy­lyǵyn bildirdi.

- Jaraısyńdar, «Balby­raýyn­dy» ta­masha oryndadyńdar. Dom­byrany tas­ta­maı, ónerlerińdi óris­tete berińder. Ol sen­derdiń bola­shaqtaryń úshin qajet. Ta­laptaryńa  nur jaýsyn! Baqytty bolyń­dar! - dep aq tilegin aqtardy.

Osyndaǵy úlken kontsert za­lyn­da da bolyp, kishkentaı búl­dir­shinderdiń án-bıin tamashalady. Bú­gingi zaman talabyna saı salynyp, balalardyń ónerin damy­tý­ǵa ba­rynsha múmkindik jasalǵan, she­ber­­hana, laboratorııa, kórme-konfe­rents zal­dar­men, mýzeı, medıateka, dybys jazý stý­dııasy jáne obser­vatorııamen qam­tyl­ǵan  Oqýshylar saraıynyń jumysyna aq jol ti­lep, shaǵyn avtobýs syıǵa tartty.

Elbasy Jetisý jerindegi issa­parynda Taldyqorǵan qalasyndaǵy Jastarǵa qyz­met kórsetý orta­ly­ǵynda bolyp, jas kósh­basshy­lar­dyń jumysymen tanysty.  Mun­da barlyǵy 52 jas qyzmet etedi.  Ashyl­­ǵanyna eki aı bolǵan  or­ta­lyqqa osy ýaqyt ishinde 10  myń adam ártúrli má­selemen bas suqqan.  Olardyń kóbi ju­mys, bilim alý barysynda kómek-keńes su­ra­ǵan. Kelýshilerge  «Serpin» baǵdar­la­masy  boıynsha oqýǵa túsýge baǵyt beri­lip, nátıjesinde  54 jas  bilim­ger  atan­ǵan. Ortalyq mamandary  eń­bek etkisi ke­lip, biraq sonyń yńǵaıyn tappaı  júrgen  otyz shaq­ty  qyz-jigitti  jumysqa orna­las­­­tyr­ǵan.  Іshki saıasat basqar­ma­sy­nyń basshysy Rýstam Alpysbaev  el Prezı­den­ti Nur­sultan Ábish­ulyna jastar  saıa­saty ortaly­ǵy­nyń atqaryp jatqan ju­my­sy jaı­ly egjeı-tegjeıli aıtyp berdi.  Or­talyq jastardy eljandylyq pen kósh­bas­shylyqqa  tárbıeleý maqsatynda  ár­túr­li sharalar ótki­zip turady. Sonyń biri - «Or­bulaq» shaıqasynan kórinis kórse­tý. Arnaıy  taqtadaǵy sýretter kó­rinistiń jo­­ǵary dárejede uıym­dastyrylǵanynan syr bergen edi. Oblysta  jastar saıasaty máse­le­leri basqarmasynyń qarqyndy ju­mys istep jatqany  ótkizilgen sha­ralardy baıandaý arqyly jetki­zil­di.  «Kóshbasshy, «Aı­byn»  baıqaý­lary aýyl-qaladaǵy boz­bala men boı­jetkenderdiń  salaýatty ómir saltyn ustanatyndyǵyn pash etti.  El Prezıdenti  jastarǵa qyzmet kór­setý ortalyǵyndaǵy  ınternet-kitaphana ju­my­symen tanysty.  Nursultan Nazar­baev kompıýter stolyna otyryp,  monıtor arqyly  Qazaqstan Respýblıkasy Konstı­tý­tsııasyn oqýdyń ádis-tásilin baǵam­dady.  Ke­lýshi jastardyń, ásirese   qandaı máse­le jaıly aqparat iz­deı­tindigin surap, qa­nyqty.  Orta­lyq­tyń basqa da  derekte­ri­ne nazar salǵan  Prezıdent oblysta bar­lyǵy  521737 jastyń turatyn­dy­ǵyna na­zar saldy.  Onyń 407728-i aýylda, 114009-y qalada  eńbek etip, bilim alýda.  Jalpy  jastar saıasaty basqarmasynyń bólimderi oblysymyzdyń barlyq qalasy men aýyldarynda bar.  Olardyń jumys ja­saýyna, ıgilikti sharalar ótkizip tu­rýy­na  barlyq jaǵdaı jasalǵan.  Mysaly, 2012 jyly  jastar saıasa­tyn qarjy­lan­dyrýǵa 42 mln. 410 myń teńge bólingen bol­sa,  2015 jyly - 462 mln.-nan asa qa­ra­jat qarastyrylǵan.   Jastar ortalyǵy­nyń atqaryp jatqan ıgilikti is-sharasyna  qa­nyqqan el Prezıdenti  Nursultan Nazar­baev: «Jaraı­syń­dar!» degen jyly lebizin bildirdi.

Prezıdent  jastar  ortaly­ǵyn­da  qa­la­myzdyń bolashaqtaǵy  joba­symen ta­nys­ty. Taldyqorǵanda qurylys qar­qy­ny  ar­­tady. Eldi­mekende 8, 9, 10 degen sha­ǵyn aý­­dandar boı kótermekshi. Sondaı-aq, jańa­dan Neke saraıy men  saýda or­ta­lyq­tary, demalys oryndary, bilim oshaq­ta­ry kóptep  boı kóter­mek. Nursul­tan Nazar­baev qury­lysty jobalaýshylardyń sózin tyń­­daı kele,  salynatyn úılerdiń  jer dúm­pýine shydamdylyǵy jaı­ly su­raq qoı­dy. Іrgetasty qala­ǵan­da aldy­men onyń shydamdylyǵyn es­kerý kerek­tigin qa­dap aıtty.  Qa­lanyń turǵyndar ıgi­li­gine saı  bolýyn esten shyǵarmaýdy tap­syrdy.

ZAMANAÝI NYSANDAR KÓŃІL QÝANTADY

 Elbasy Nursultan Nazarbaev Jetisý je­rindegi resmı saparynda bıyl ǵana el ıgi­ligine tapsyrylǵan «Jastar» saıaba­ǵy­­men tanysyp shyqty. Aldymen saıa­baq­­qa kire­beris qaqpanyń aldyndaǵy «ánshi» sýburqaqtyń janynda qalanyń belsendi aqsaqaldary jáne  zııaly qaýym ókil­de­rimen áńgimelesti. Olar Memleket bas­shy­syna óńiri­mizde keıingi jyldary mádenı-kópshilik sharalardy uıymdasty­ratyn oryndardyń kóptep saly­nyp, jurt­tyń yqy­lasyna bólenip jatqanyn sóz etti. Osydan keıin oblys ákimi Aman­dyq Bata­lovtyń bastaýymen saıabaqty aralap kórdi.

Osy oraıda oblys basshysy Pre­zı­dent­ke jalpy quny 1,6 mlrd. teńge, aý­maǵy 115639 sharshy metr saıabaqtyń  jal­py qurylymymen tanystyryp ótti. Zaman talabyna saı demalys ornyna aı­nalǵan saıa­baqtyń  jasyl jelekpen kóm­ke­rilip, bul jerge Tıan-Shan shyr­shasy men qaraǵaılar otyrǵy­zy­lyp, oryn­dyqtar ornatylyp, mý­zy­kalyq sýbur­qaq­tar salynǵanyn jetkizdi. Ondaǵy negizgi alleıa, «án­shi» sýburqaq, balalar kafesi, má­denı-kópshilik is-sharalar ótkizýge ar­nal­ǵan alań, ja­sandy toǵan, «Qyz ben jigit» monýmenti, shaǵyn sáýlet nysan­da­ry, taǵy da basqa kópshiliktiń alańsyz demalýyna arnalǵan oryndar sáýlettik-kór­kemdik jaǵynan kóz tartatyn erek­she demalys aımaǵyna aınalǵanyn da kórse­tip shyqty. Bul oraıda jasalynǵan ju­mys­tar Elbasynyń kóńilinen shyqty. Bul kezde alańda Qala kúnine oraı uıym­das­tyry­latyn mádenı sharanyń daıyn­dyq jumysy júrip jatyr edi. Elbasy ýaqyt bólip, jetisýlyq ónerpaz­dar­dyń ónerin tamashalady.

Osyndaı jaǵymdy jańalyqqa kýá bo­­lyp, jetisýlyqtardyń óne­rin tamasha­la­ǵan Elbasy jýrna­lıs­ter­men kezdesip, kór­gen-bilgenderin ek­shep, kókeıge túı­genin tilge tıek etti.

- Búgin, mine, Jetisý jerine ke­lip, mun­­daǵy jaǵdaımen tany­syp, memleket­tik baǵdarlamalardyń jer­gilikti jerde qa­laı oryndalyp jatqanyn  kórip shyq­tym. Ótken jyly Jetisý óńirine kele al­maǵa­nymdy bilesizder. Al aldyńǵy jy­­ly óńirde bolǵanymda oblys bas­­shy­syna já­ne barlyq jeti­sýlyqqa bergen tapsyr­ma­la­rym bar edi, so­nyń bári tolyǵymen oryn­dalyp jat­qanyn kórdim. Bul  Al­ma­ty ob­lysynyń, Taldyqorǵan qalasy­nyń eshkimde joq ózgeshe­ligi men ómir­sheń­dikke ıe ekendigin bil­di­redi. Bul óńir bi­rin­­shi­den, qant qyzyl­shasyn kóptep ósi­retin óńir. Ekin­shiden, júgeri ósirýde mańyz­dy aı­maqtyń biri. Úshin­shi­den, baý-baq­sha, al­ma ósirýdegi ar­qalaıtyn júgi de aıryq­sha. Atal­ǵan daqyl­dar eli­mizdiń basqa óńi­rin­de kóp­tep ós­peıdi. Sonyń bá­riniń Al­ma­ty ob­ly­synda kóptep ósirip jat­qanyna shy­naıy rıza­myn. Taldy­qor­ǵan qa­la­sy­nyń da ózgerip, túr­lengenine kýá boldym. Aı­shyqty kósheleri men jańa­dan so­ǵyl­ǵan ǵı­marattar, «Jastar» saıa­­baǵy, Qa­ratal óze­niniń jaǵa­laýynda sa­lynǵan dema­lys orny,  taǵy basqa da sa­lynyp jatqan nysandar kóńil qýantady.

Bıyl Táýelsizdiktiń 25 jyl­dyq me­re­kesin atap ótemiz. Bul tek toı toılaý ǵa­na emes, ár adam, ár­bir Qazaqstan tur­ǵyny osy jyl­darda jetken jetistik­terdi kó­rýi, ózderine qandaı jaǵdaı jasal­ǵa­nyn sezinýi kerek. Taldyqorǵan qala­syn­da salynǵan qazirgi zaman­ǵa saı aý­rý­hananyń ártúrli aýrýdy emdeýge tolyq qýatty ekenin kór­dim. Jańadan boı kó­tergen per­zenthana, mektep, balabaq­sha­nyń da orny bólek. Osyndaı jumys­tar­­dyń nátıjesinde oblys tur­ǵyn­­darynyń ómir súrý deńgeıi uza­ryp, bala týý sa­lys­tyrmasy artyp keledi. Al aýyl­sha­rýa­shy­lyq, óndiris salalarynda tyń ser­pin bar. Barlyq sala ıyqtasyp, damyp kele jatyr eken. Sondyq­tan men Almaty oblysynyń, Tal­dyqorǵan qalasynyń jaǵ­daıyn túzeý úshin Almaty qalasynan Óskemen qalasyna deıin avtojol, taǵy da basqa nysandardy tur­ǵy­zýǵa múmkindik ber­dim. Osyǵan deıin elektr qýatyn ta­sy­maldaýda qıyndyqtar kezdesip jata­tyn. Dese de, ol máseleni sheshý ústin­de­miz. Demek, aldaǵy ýaqytta qa­lany da, aýyldy da, dalany da ór­kendetýdiń úlken múmkin­shi­lik­teri kútip tur. Sondyqtan oblys áki­mi­ne, oblys ákimdigine jemisti ju­mys­tary úshin zor rı­za­shy­ly­ǵym­dy bildiremin.

Elimizdiń táýelsizdigi máńgilik bolyp, «Máńgilik El» dep ataǵan ıdeıamyz oryn­dalyp, keler urpaq biz­den de jaqsy ómir súretin bol­syn, - dedi Memleket bas­shysy.

Rasymen, buryn shańy shyǵyp jatqan jerden kóńil qýantar saıa­ly baq turǵy­zyp, jurt demalatyn tamasha alań salǵan jetisýlyq­tardyń eńbegi eren. Bul El­basy tap­syrmasyn muqııat oryndaǵan oblys ákimi Amandyq Batalovtyń isker­ligi ekendigin aıǵaqtaıtyn­dyǵy anyq. Elbasy da óz sózinde oblys basshysynyń iskerligi men biliktiligine dán rıza eken­digin bildirdi.