Jyly elderdegi qysqy demalys úshin eń bıýdjetti kýrort belgili boldy
ASTANA. QazAqparat - Jyly ólkelerdegi qysqy demalysty unatatyndar úshin qarjylyq jaǵynan 2014 jylǵy eń tıimdi kýrort bolyp Fýerteventýra (Kanar araldary) ataldy, dep habarlady Lenta.rý.
Mundaı qorytyndyny TripAdvisor týrıstik servıs sarapshylary jasady. Tıisti reıtıngini týrıstik ındýstrııa mamandary jyly elderdegi qysqy demalys úshin eń tanymal 29 kýrorttyń baǵdarlaryn salystyra zertteý negizinde jasady.
Eń qoljetimdi qysqy jaǵajaı baǵyttary úshtigine sondaı-aq Kanardyń Tenerıf araly (ekinshi oryn) jáne úndistandyq Goa (úshinshi oryn) kirdi. Qysta demalýshylar úshin eń qymbat jaǵajaılar Terks pen Kaıkos bolyp shyqty.
Mamandar tórt adamnan quralǵan otbasynyń aptalyq demalysynan qorytyndy jasady. Sarapshylar shyǵyndardyń sjalpy somasyna 2015 jyldyń qysynda apta boıy eki jatyn bólmesi bar, apartamentterdi, bir aptaǵa avtomobıldi jalǵa alýdy, tórt adamǵa taǵamdar men meıramhanadaǵy keshki asty jáne sýsyndardy qosty.
Eń qysqy demalys úshin eń bıýdjetti oryndar mynadaı boldy:
1. Fýerteventýra, Kanar araldary (665 eýro bir apta demalysqa) 2. Tenerıfe, Kanar araldary (727 eýro) 3. Goa, Úndistan (769,3 eýro) 4. Grenada, Karıb araldary (769,4 eýro) 5. Sharm-el-Sheıh, Egıpet (771 eýro) 6. Marrakesh, Marokko (803 eýro) 7. Lansarote, Kanar araldary (818 eýro) 8. Shrı-Lanka (822 eýro) 9. Orlando, Florıda (1079 eýro) 10. Mavrıkıı (1179 eýro)
Al eń qymbat oryndar reıtıngisi mynadaı:
1. Terks jáne Kaıkos, Karıb (5016 eýro bir aptalyq demalys) 2. Barbados, Karıb (2658 eýro) 3. Kaımanov araldary, Karıb (2331 eýro) 4. Dýbaı, BAÁ (2225 eýro) 5. ıAmaıka, Karıb (2083 eýro) 6. Sent-Lıýsııa, Karıb (1981 eýro) 7. Maıamı, Florıda (1960 eýro) 8. Gold-Kost, Avstralııa (1824 eýro) 9. Rıo-de-Janeıro, Brazılııa (1734 eýro) 10. Ońtústik aral, Jańa Zelandııa (1660 eýro)
Bul tizimder 15 jeltoqsannan 2015 jylǵy 31 naýryzǵa deıingi baǵalar boljamy boıynsha jasaldy.
