«Jyly aıaldamalardaǵy» buzaqylyq áreketter - Astana ákimdiginiń jaýaby
ASTANA. QazAqparat - El arasynda «jyly aıaldama» retinde tanylǵan pavılondardyń keıbirinde jazda salqyndatqysh júıesi jumys istemeı turdy. Buǵan Astana qalasynyń Jolaýshylar kóligi jáne avtomobıl joldary basqarmasy túsinik berdi, dep habarlaıdy QazAqparat tilshisi.
«Aıaldamalardaǵy salqyndatqyshtary kópshilik jaǵdaılarda buzaqylardyń kesirinen buzylyp jatady», - deıdi basqarmadaǵylar.
Vedomstvonyń habarlaýynsha, qaladaǵy 27 jabyq aıaldamaǵa salqyndatqysh júıesi ornatylǵan.
«Sondaı-aq «jyly aıaldamalardy» jobalaý jáne qurý kezinde ishinde jeldetkishi bar sańylaýlar ornatý jaǵy da qarastyrylǵan. Olar qazir jumys istep tur», - deıdi Astana kólik quraly basqarmasynyń ókilderi.
