Jylýmen, sýmen jabdyqtaý jáne sýdy burý júıelerine qosymsha 150 mlrd. teńge bólinedi
Memleket basshysy «Nurly jol - bolashaqqa bastar jol» atty Qazaqstan halqyna arnaǵan Joldaýynda damýdyń basym jeti baǵytyn atap ótti. Sonyń biri - turǵyn-úı kommýnaldyq sharýashylyǵy ınfraqurylymyn jańǵyrtý. Jylýmen, sýmen jabdyqtaý jáne sýdy burý júıelerin jańǵyrtýdyń qarqynyn arttyrý maqsatynda Ulttyq qordan 2015-2016 jyldary 150 mlrd. teńge bólý kózdelgen. TKSh salasynyń ınvestıtsııalyq tartymdylyǵyn arttyrý jáne jylýmen, sýmen jabdyqtaý jáne sý burý júıelerine jedel jańǵyrtý júrgizý maqsatynda osy salalarda ınvestıtsııalyq jobalardy qarjylandyrýǵa tartylatyn nesıelerdi arzandatýǵa jáne kredıtorlar men ınvestorlar táýekelderin tómendetýge baǵyttalǵan birneshe qarjy quraldaryn engizý qajet. Osy máselelerdi sheshi úshin «Sý kodeksi», «Bıýdjet kodeksi», «Elektr energııasy týraly» zańǵa tıisti túzetýler engizilip jatyr», - dep atap ótti ol «QR keıbir zańnamalyq aktilerine sýmen jabdyqtaý jáne sý burý, turǵyn-úı kommýnaldyq sharýashylyǵyna kredıt berý jáne sýbsıdııalaý máseleleri boıynsha ózgerister men tolyqtyrýlar engizý týraly» zań jobasyn talqylaý barysynda.
Onyń sózine qaraǵanda, zań jobasy aıasynda «Turǵyn úı-kommýnaldyq sharýashylyǵyn damytý jáne jańǵyrtý jónindegi uıym» degen uǵym engizilýde. Sonymen qatar, uzaq merzimdi jáne jeńildikti nesıe berý túrinde memlekettik qoldaýdyń túrleri men sýbsıdııalary boıynsha is-qımyldar retteletin bolady.