Jylýǵa tólengen aqshanyń bir bóligi halyqqa qaıtarylady

ASTANA. QazAqparat - Tabıǵı monopolııalardy retteý, básekelestikti jáne tutynýshylardyń quqyqtaryn qorǵaý komıtetiniń aýmaqtyq bólimsheleri Qazaqstannyń barlyq óńirinde jylý qunyn qaıta esepteý jumystaryn júrgizdi, dep habarlaıdy QazAqparat vedomstvonyń baspasóz qyzmetine silteme jasap.

Tabıǵı monopolııalar týraly zańnamaǵa sáıkes,tabıǵımonopolııa sýbektisi ýákiletti organ aıqyndaıtyn tártippen, syrtqy aýanyń naqty temperatýrasyn eskere otyryp, jylýmen jabdyqtaý boıynsha kórsetiletin qyzmetterdiń qunyn qaıta esepteýden alynǵan qarajatty tikeleı tutynýshyǵa qaıtarady. Al eger tutynýshynyń turǵan jerin anyqtaý múmkin bolmasa, jylýǵa aqy tóleý kezinde tarıfti tómendetý jolymen qaıtarady.  

2017-2018 jyldardaǵy jylytý kezeńinde halyqqa qaıtarylatyn qarajattyń jalpy somasy (QQS-ty qosa eseptegende) 1 012 720, 38 myńteńgeni qurady.

Osylaısha, óńirler boıynsha 2017-2018 jyldardaǵy jylytý kezeńi úshin qaıta esepteý somasy mynadaı (QQS-pen):

- Almaty qalasy boıynsha - 376 510,85 myń teńge;

- Almaty oblysy boıynsha oblastı - 948,45 myń teńge;

- Aqmola oblysy boıynsha - 10 242,94 myń teńge;

- Atyraý oblysy boıynsha - 10 167,70 myń teńge;

- Aqtóbe oblysy boıynsha - 21 880,24 myń teńge;

- Shyǵys Qazaqstan oblysy boıynsha - 157 619,96 myń teńge;

- Jambyl oblysy boıynsha - 31 726,18 myń teńge;

- Batys Qazaqstan oblysy boıynsha - 12 955,87 myń teńge;

- Qaraǵandy oblysy boıynsha - 266 888, 79 myń teńge;

- Qostanaı oblysy boıynsha - 21 733,76 myń teńge;

- Qyzylorda oblysy boıynsha - 54 812,95 myń teńge;

- Mańǵystaý oblysy boıynsha - 306,51 myń teńge;

- Pavlodar oblysy boıynsha - 10 859,45 myń teńge;

- Soltústik Qazaqstan oblysy boıynsha - 1 766,76 myń teńge;

- Ońtústik Qazaqstan oblysy boıynsha - 34 299,97 myń teńge.

Bul rette, Astana qalasy boıynsha jylý qunyn qaıta esepteýden halyqqa qarajat qaıtarylmaıdy. Sebebi Astana qalasynyń aýmaǵynda jylýmen jabdyqtaý jónindegi qyzmetterdi kórsetetin tabıǵı monopolııa sýbektileri jylytý kezeńinde syrtqy aýanyń naqty temperatýrasyn eskere otyryp, aılar boıynsha bóliniste jylýdyń tólem mólsherin túzetýdi aı saıyn júrgizedi.