Jylýǵa qaryzy bar shymkenttikterdiń banktegi esep-shottary buǵattalýda
ShYMKENT. QazAqparat - Shymkentte jylýǵa qaryzy bar tutynýshylardyń banktegi esep-shottary buǵattalatyn boldy.
Bul týraly jylý berýshi kompanııa ókilderi málimdedi. Mıllıondaǵan qaryzyn qaıtara almaı otyrǵan kompanııa basshylyǵy osyndaı qadamǵa barýǵa májbúr bolǵanyn aıtady, dep habarlaıdy QazAqparat HAA tilshisi jylý ortalyǵynyń baspasóz qyzmetine silteme jasap.
Búginde "Qýat jylý ortalyǵy-3″ mekemesine turǵyndar 309 mıllıon teńge qaryz bolǵan. Kompanııa ókilderi qaryzdy qaıtarý úshin sot oryndaýshylarymen tyǵyz jumys isteýde. Jylý berýshiler qaryzdarynan qutylmaǵan turǵyndardy tez arada bereshekti óteýge shaqyrady. Keri jaǵdaıda qaryzdar sot arqyly óndirip alynady. Qazirdiń ózinde bereshegi bar tutynýshylarǵa qatysty sot sheshimderi shyǵyp, olardyń banktegi esep-shottary ýaqytsha jabylýda eken. Máselen, jylýmen qamtylǵan 65 myń abonenttiń ishinde 3636-synyń qaryzy 100 myń teńgeden asyp ketipti.
