Jylýǵa 300 myń teńge qaryz bolǵan Qostanaı turǵyny qamaýǵa alyndy

QOSTANAI. QazAqparat - Qostanaı qalasynyń turǵyny jylýǵa tólemegen qaryzy úshin ákimshilik jaýapkershilikke tartyldy, dep habarlaıdy QazAqparat tilshisi.

Qostanaı oblystyq sotynyń baspasóz qyzmeti málim etkendeı, 22 qańtardaǵy jaǵdaı boıynsha qostanaılyqtyń jylý aldyndaǵy bereshegi 300 myń teńgeden asty.

«Osylaısha, ol Qazaqstan Respýblıkasynyń Ákimshilik kodeksiniń 669-babyna sáıkes ákimshilik quqyq buzýshylyq jasady. Nátıjesinde, ákimshilik sottyń sheshimimen 1 kún merzimge qamaýǵa alý túrindegi ákimshilik tártipke keltirildi», - delingen oblystyq sottyń baspasóz habarlamasynda.