Jylý júıesine tarıfti kóterý týraly 8 ret ótinish tústi - Baýyrjan Baıbek
ALMATY. QazAqparat - Qala turǵyndarynyń aldynda esep bergen qala Almatynyń ákimi kommýnaldyq tólemderdiń baǵasyna qatysty máseleni jan-jaqty túsindirip berdi, dep habarlaıdy QazAqparat tilshisi.
Almaty ákimi jyl berý mekemeleri sońǵy 5 jylda monopolııaǵa qarsy komıtetke baǵany kóterý týraly 8 ret ótinish bergenin aıtty.
«Sońǵy 5 jylda jylý berýshiler tarıfti kóterý týraly monopolııaǵa qarsy komıtetke 8 ret ótinish bergen. Tek, sonyń 3 ótinishinde ǵana baǵany kóterýge ruqsat aldy. Al qalǵan baǵa aıyrmashylyǵyn ákimdik demeý qarjymen jaýyp keledi. 2015 jyldan beri tarıfti turaqty ustap turý úshin qala bıýdjetinen 3 mlrd teńge bólindi. Al jylý júıeleri njańǵyrtýǵa 100 mlrd teńge berildi. Byltyr Almaty men Almaty oblysy turǵyndaryna qatysty gazdyń tarıfy boıynsha másele qarastyryldy. Almaty bul bastamany qoldamady, sebebi baǵa almatylyqtar úshin 16 paıyzǵa qymbattap keter edi. 1,5mln-ǵa jýyq adam qazir biz ustap turǵan baǵa boıynsha kommýnaldyq tólemderdi tólep otyr. Al bul almatylyqtardyń 80 paıyzy. Eger ákimdik sol demeýqarjyny bermegende turǵyndar jylý júıesi úshin qazirgiden 35 paıyz qymbat tóler edi», -dedi Baýyrjan Baıbek.
Ákimniń aıtýynsha, búgingi tańda 40 paıyz úılerde jalpy esep qurylǵysy ornatylmaǵan. Sondyqtan olar, qurylǵysy barlarmen salystyrǵanda 36 paıyz kóp tóleıdi. Almaty ákimi kommýnaldyq tólemder jeke adamnyń jalpy tabysynan 10 paıyz joǵary bolsa, jergilikti bıýdjetten kómek beriletinin aıtty. Ol úshin Halyqqa qyzmet kórsetý ortalyǵyna jeke kýálik, mekenjaı anyqtamasy, kommýnaldyq qyzmetke tóleminiń túbirtegi men jumys ornynan anyqtama tapsyrý qajet.
Jalpy, Almaty ákimdigi baǵany turaqtandyrý úshin álemýettik mańyzy bar 43 ónim túrine júıeli túrde demeýqarjy bólip keledi.
