Jylý jelilerin jóndeý: 1 joba toqtatylyp, altaýynyń nátıjesine shaǵym tústi

ASTANA. QazAqparat – Indýstrııa jáne ınfraqurylymdyq damý mınıstri Marat Qarabaev jylytý maýsymyna daıyndyq boıynsha jylý jelilerin jóndeý jumystarynyń barysy týraly baıandady, dep habarlaıdy QazAqparat tilshisi.

«Bıyl jylýmen jabdyqtaý jelilerin jóndeýge 86 mlrd 300 mln teńge bólindi. Onyń ishinde 107 shaqyrym jylý jelilerin qaıta jóndeý úshin 47 jobany iske asyrýǵa nysanaly transfertter túrinde 69 mlrd 400 mln teńge bólindi. Atap aıtqanda, Qyzylorda, Pavlodar, Ekibastuz, Stepnogorsk jáne Kókshetaý qalasy bar. Búginde 47 jobanyń ishinde 19-y boıynsha daıyndyq jumystary júrgizilip jatyr jáne 11 joba boıynsha jelilerdi ornatý bastaldy», - dedi Marat Qarabaev Úkimet otyrysynda.

Mınıstrdiń málimetinshe, úsh aıda 7 shaqyrym jylýmen jabdyqtaý jelisi salyndy. Bul jalpy jospardyń 6%.

Sondaı-aq vedomstvo basshysy baıandaǵandaı, 9 joba boıynsha konkýrstyq rásimder aıaqtalmaǵan. ıAǵnı qurylys bastalmaǵan jáne shart jasasý protsesi keshiktirilýde.

«Shymkent qalasynda jáne Qyzylorda oblysynda 1 joba boıynsha memlekettik satyp alý konkýrsyn ótkizý prokýratýra jáne sot qaýlysymen toqtatyldy. Sonymen qatar taǵy 6 joba boıynsha konkýrs nátıjelerine shaǵymdaný faktileri bar (jalpy somasy 10 mlrd teńge). Osy oraıda, tehnıkalyq qadaǵalaýdy aıqyndaý boıynsha konkýrsqa shaǵymdaný nátıjeleri kútilýde», - deıdi ol.