Jylý jáne elektr energetıkasy salasyndaǵy qyzmetter ortalyqtandyryla ma
«Jylý jáne elektr energetıkasy salasyndaǵy fýnktsııalardy ortalyqtandyrýǵa qatysty «Elektr energetıkasy týraly» Qazaqstan Respýblıkasynyń Zańyna sáıkes energııa óndirýshi uıymdardyń elektr energııasyn óndirýge arnalǵan shekti tarıfterdi Qazaqstan Respýblıkasynyń Energetıka mınıstrligi bekitedi. Bul birinshi kezekte elektr energetıkasy keshenin tirshilikti qamtamasyz etýdiń asa mańyzdy júıesi retinde basqarý birligin qamtamasyz etý qajettiligine baılanysty. «Tabıǵı monopolııalar týraly» Qazaqstan Respýblıkasynyń Zańyna sáıkes Ulttyq ekonomıka mınıstrligi Tabıǵı monopolııalardy retteý komıteti (budan ári – TMRK) atynan tabıǵı monopolııalar sýbektileri qyzmetin memlekettik retteýdi jáne baqylaýdy jylýmen jabdyqtaý, sýmen jabdyqtaý, sý burý, elektrmen jabdyqtaý jáne gazben jabdyqtaý salalarynda tarıfterdi qalyptastyrý, belgileý jáne bekitý jolymen de júzege asyrady», - dedi Álıhan Smaıylov jaýabynda.
Onyń atap ótýinshe, osy quzyretti júzege asyrý kezinde TMRK úı sharýashylyqtary men kásiporyndardyń tirshilikti qamtamasyz etýdiń negizgi qyzmetterine qol jetkizý kezinde tutynýshylar men tabıǵı monopolııalar sýbektileri (onyń ishinde JEO) múddeleriniń teńgerimin saqtaý qajettiligin basshylyqqa alady.
«Energetıka salasynyń ereksheligi – elektr energııasynyń quny taýarlar men qyzmetterdiń basqa túrleriniń qunyna aıtarlyqtaı áser etedi. Jylý jáne elektr energııasyna arnalǵan tarıfterdi bekitý jónindegi fýnktsııalardy bir memlekettik organda ortalyqtandyrý kezinde tarıftik saıasat pen salany damytý arasynda múddeler qaqtyǵysynyń týyndaýy múmkin. Bul rette óńirlerdi damytýdyń áleýmettik-ekonomıkalyq faktorlaryn da eskerý qajet. Osyǵan baılanysty atalǵan tarıfterdi bekitý boıynsha fýnktsııalardy bir memlekettik organǵa berý máselesi orynsyz bolyp tabylady», - dedi Úkimet basshysy.