Jylý úshin 500-aq teńgeni tólep otyrýǵa bolady - Jeńis Qasymbek
ASTANA. QazAqparat - QR Investıtsııalar jáne damý mınıstri Jeńis Qasymbektiń kóppáterli úılerge ornatylatyn esepteý quraldarynyń paıdasyn túsindirdi, dep xabarlaıdy QazAqparat tilshisi.
Mınıstrdiń aıtýynsha, kóppáterdi úıdiń jalpy jylýyn esepteıtin prıborlardy ornatý arqyly aı saıynǵy tólemaqyny 36 protsentke azaıtýǵa bolady. Máselen, 60 sharshy metrlik eki bólmeli páterdiń jylýy úshin aqynyń kólemi ortasha eseppen 2 720 teńgege deıin tómendeıdi. Al respýblıka boıynsha jyl saıyn 32,5 mlrd teńgeni únemdep otyrýǵa múmkindik bar. "Osy oraıda Aqtóbe qalasynda jalpyúılik jylýdy esepteý prıbory men avtomatty jylý pýnktin ornatqannan keıingi únemdeý sharalaryn mysal retinde keltirýge bolady. Ótken jyly 29,8 sharshy metrlik páterdiń qazan aıyndaǵy jylýy úshin 3 547 teńge tólendi. Jylýdy esepteý prıbory men avtomatty jylý pýnktin ornatqannan keıin 2018 jyldyń qazan aıynda jylytý quny 466 teńgeni qurady, ıaǵnı únemdelgen qarjynyń kólemi - 3 081 teńgeni nemese 86,8 protsent", - dedi J.Qasymbek Úkimettiń búgingi otyrysynda.
Mınıstrdiń málimetine sáıkes, respýblıka boıynsha kóppáterli turǵyn úılerde esepteý qurylǵylaryn ornatý kórsetkishi 45 protsentti quraıdy. 50 myńǵa jýyq úıge arnaıy prıborlar ornatyldy, endi taǵy 62 myń prıbor qajet. "Jalpyúılik jylýdy esepteý prıborlary men avtomatty jylý pýnktterin tolyq masshtabta engizý úshin ekinshi deńgeıdegi bankterdiń ınvestıtsııalary men qarajatyn tartý boıynsha qujattar daıyndalyp jatyr", - dep atap kórsetti J.Qasymbek.
