Jylý maýsymy joǵary táýekelmen ótip júrgen óńirler anyqtaldy - IJTM
ASTANA. 9 maýsym. QazAqparat - Astanany damytý máseleleri boıynsha 3 maýsymda ótken keńeste aıtylǵan Elbasy Nursultan Nazarbaevtyń tapsyrmalary boıynsha Úkimet elektr stansalarynyń qysqa ázirliginiń barysyn kúsheıtti.
Bul týraly Indýstrııa jáne jańa tehnologııalar mınıstrliginiń Memlekettik energetıkalyq qadaǵalaý jáne baqylaý komıtetinen habarlady.
Jylý maýsymy joǵary táýekelmen ótip júrgen óńirler anyqtaldy. Olar - Shyǵys Qazaqstan oblysynyń Semeı, Kýrchatov qalalary, Qaraǵandy oblysynyń Temirtaý, Jezqazǵan qalalary, Aqmola oblysynyń Kókshetaý, Stepnogor qalalary jáne Ońtústik Qazaqstannyń Kentaý qalasy.
Osyǵan oraı, tehnıkalyq mamandardy tarta otyryp, atalǵan óńirlerde energonysandarǵa kóshpeli tekserýler júıesi engizilip otyr. Oǵan qosa, Memlekettik energetıkalyq qadaǵalaý jáne baqylaý komıtetiniń janynan 2011-2012 jylǵy jylý maýsymyna ázirlik jónindegi úılestirý shtaby quryldy.
Osy shtabtyń keshe, 8 maýsymda ótken birinshi otyrysynda Aqmola oblysyndaǵy «Djet-7» (Stepnogor) jáne «KókshetaýJylý» kásiporyndarynyń (Kókshetaý) basshylary atqarylyp jatqan jumystar týraly baıan etti.
Júrgizilgen taldaýdyń nátıjesi boıynsha, anyqtalǵan problemalardy joıý jónindegi usynys-keńester ázirlendi jáne olar Úkimettiń atyna, Kókshetaý jáne Stepnogor qalalarynyń ákimdikterine joldandy.
Aldaǵy kúnderi Qostanaı, Qaraǵandy jáne Shyǵys Qazaqstan oblystary boıynsha esep tyńdalmaq.
