Jylý magıstralindegi apat joıylyp, 144 kópqabatty úıge jylý berile bastady

QARAǴANDY. QazAqparat - Qaraǵandynyń «Ońtústik-Shyǵys» yqsham aýdanynda jylý magıstraliniń sý berýshi qubyrynda júrgizilgen jóndeý jumystary aıaqtaldy. Bul týraly oblys ákiminiń baspasóz qyzmetine silteme jasap, QazAqparat habarlaıdy.

Úılerdi jylýmen qamtý tolyq kólemde qalpyna keltirildi. Barlyq jóndeý jumystary tutynýshylardy jylýdan óshirmeı júrgizildi.

Esterińizge sala keteıik, 20 jeltoqsanda Ońtústik-Shyǵystaǵy avtobeket mańynda jylý magıstraliniń sý berýshi qubyrynda aqaý paıda boldy. Shuǵyl rejımde bul ýchaski óshirilip, jóndeýge engizildi.

Apat saldarynan 30-shy, «JTK», «Stepnoı - 1, -2, -3, -4» shaǵyn aýdandaryndaǵy 144 kópqabatty úı men 32 nysan jylýmen qamtýdyń tómendetilgen rejımine aýystyryldy. Apat saldaryn joıýǵa jer asty jelisiniń qatty sýlanýy men temperatýrasy 80-90 gradýsty quraǵan sýdan shyqqan bý qatty kedergi keltirgen. Aqaý ornynda úsh apattyq-qalypqa keltirý brıgadasy jumys istedi.

Jylýmen qamtýǵa qatysty suraqtarmen Qazybek bı atyndaǵy ákimdiktiń dıspetcherlik qyzmetine kelesi telefon nómirlerge habarlasýǵa bolady: 41-13-53.