Jylý qazandyǵynyń jarylýyna baılanysty Shahandaǵy ákimdik qyzmetkerleri shartty merzimge sottaldy
QARAǴANDY. QazAqparat -Shahandaǵy bes qabatty úıdegi toǵyz adamnyń ólimine sebepker bolǵan jylý qazandyǵynyń jarylǵandyǵy týraly is boıynsha Shahan aýylynyń ákimi, onyń orynbasary jáne taǵy úsh sheneýnik shartty merzimge sottaldy, dep habarlaıdy «QazAqparat» HAA tilshisi.
Budan ózge, sýdıa Maǵaýıa Balapanov olardyń úsh jyl ishinde memlekettik qyzmet atqarýyna tyıym saldy. Úkim Shahan aýylynyń ákimi Murat Jaqypov, onyń orynbasary Áketaı Nájmıden, ákim apparatynyń kommýnaldyq máseleler jónindegi bas mamany Marııa Jumabekova, turǵyn úı-kommýnaldyq sharýashylyǵy, jolaýshylar tasymaly, avtojoldar jáne turǵyn úı ınspektsııasy bólimi bastyǵynyń mindetin atqarýshy Almas Omarhanov jáne turǵyn úı-kommýnaldyq sharýashylyǵy bólimi turǵyn úı sektorynyń bas mamany Nurjan Mahanbetovke qatysty shyǵaryldy. Tergeý nátıjesi boıynsha, olardyń áreketsizdiginen jylý qazandyǵy órt qaýipsizdigi talaptaryna saı emes kúıde paıdalanýǵa berilgen. Al, ol óz kezeginde qazandyqtyń jarylýy men toǵyz adamnyń ólimine ákep soqty.
Sottalýshylar kinálaryn moıyndaǵan joq.
