Jylý energııasyn esepteý aspaptary joq tutynýshylarǵa 651 mıllıon teńgeden astam qarajat qaıtaryldy

Bul týraly búgin elordada ótken baspasóz máslıhaty barysynda QR Tabıǵı monopolııalardy retteý agenttigi tóraǵasynyń orynbasary Anatolıı Shkarýpa málim etti.

Onyń atap ótýinshe, turmystyq tutynýshylarǵa aqshalaı qarajat Almatyda 71,6 mln., Astanada 256,5 mln., Qapshaǵaıda 1,76 mln., Petropavlda 4,8 mln., Ekibastuzda 0,7 mln., Aqtóbe oblysynda 0,7 mln., Jambyl oblysynda 15,8 mln., Shyǵys Qazaqstan oblysynda 24,9 mln., Qostanaı oblysynda 10,5 mln., Qaraǵandy oblysynda 188,5 mln., Qyzylorda oblysynda 11,6 mln., Ońtústik Qazaqstan oblysynda 64,2 mıllıon teńge kóleminde qaıtarylǵan.

Bul shara agenttik tóraǵasynyń buıryǵymen bekitilgen syrtqy aýanyń naqty temperatýrasyn eskere otyryp jylýmen jabdyqtaý qyzmetteriniń qunyn qaıta esepteý ádisi boıynsha júrgizilgendigin atap ótken A.Shkarýpa «tutynýshylarǵa jylytylatyn alańnyń 1 sharshy metri úshin qaıtarylǵan soma 0,22 tıynnan 31,6 teńge aralyǵynda bolyp otyr. Bul rette aýmaǵy 70 sharshy metrlik 3 bólmeli páter úshin qaıtarylatyn soma sáıkesinshe 15,4 pen 2212 teńge aralyǵynda boldy. Temperatýra aýytqýy alshaq ári jyly bolǵan saıyn qaıta esepteý somasy joǵarylaı túsedi», dep naqtylaı tústi.