Jylý elektr ortalyqtarynyń basshylyǵy men ıeleriniń jaýapkershiligi tómen - Premer

ASTANA. QazAqparat – Keıbir óńirde kómirmen qamtamasyz etý problemaǵa aınaldy. Bul týraly Úkimet otyrysynda Premer-Mınıstr Álıhan Smaıylov aıtty, dep habarlaıdy QazAqparat tilshisi.

«Keıbir óńirde kómirmen qamtamasyz etý jáne ony ýaqtyly jetkizip berý problemaǵa aınaldy. Bul – jyl saıynǵy júıeli jumys. Onda eshqandaı irkilister men kemshilikter bolmaýy tıis edi. Biz aldyn ala boljaý júıesiniń jumys istemeıtinine kóz jetkizdik», - dedi Álıhan Smaıylov.

Úkimet basshysy buǵan deıin jabdyqtardyń tehnıkalyq jaı-kúıine ýaqtyly, keshendi jáne obektıvti baǵalaý júrgizilmegendigin basa aıtty.

«Jylý elektr ortalyqtarynyń basshylyǵy men ıeleriniń jaýapkershiligi tómen. Ýákiletti memlekettik organdardyń nusqaýlyqtary tek qana usynys deńgeıinde boldy, menshik ıelerin olardy tolyqtaı oryndaýǵa mindettemeıdi. Sondyqtan, qordalanyp qalǵan mundaı problema óte kóp. Olardyń basym bóligi jylý jelileriniń tozýyna qatysty», - dedi Premer-Mınıstr.

Aıta ketsek, búgingi otyrysta Indýstrııa jáne ınfraqurylymdyq damý mınıstri Marat Qarabaev atap ótkendeı, Pavlodar, Abaı, Qaraǵandy, Shyǵys Qazaqstan jáne Soltústik Qazaqstan oblystarynda jylý jelileri kóp tozǵan.

Mınıstrdiń aıtýynsha, 2029 jylǵa qaraı jylýmen jabdyqtaý jelileriniń tozýyn 43 paıyzǵa deıin tómendetý mindeti tur.