Jylý elektr ortalyǵyndaǵy órt aýyzdyqtaldy – Rıdder

ÓSKEMEN. QazAqparat – Shyǵys Qazaqstan oblysynyń Rıdder qalasynda jylý elektr ortalyǵyndaǵy órt aýyzdyqtaldy, dep habarlaıdy QazAqparat tilshisi.

ShQO ákimdiginiń málimetinshe, qazirgi ýaqytta Rıdder qalasynda jylý elektr ortalyǵyndaǵy órt óshirildi.

«19 qańtarda saǵat 06:54-te «Rıdder JEO» AQ otynmen qamtamasyz etý tsehynda órt shyqqan. Dál osy sátte tilsiz jaý aýyzdyqtaldy. Órtten zardap shekken eshkim joq. Janarmaımen qamtamasyz etýdi qalpyna keltirý jumystary bastaldy», - delingen aqparatta.

Resmı derekke súıensek, jylý jelisiniń temperatýrasy ýaqytsha tómendetiledi. Osy oqıǵaǵa oraı tótenshe jaǵdaılar jónindegi oblystyq shtabtyń otyrysy ótkizilmek. Qyzyl jalynnyń naqty neden shyqqany áli aıtylmady.

Eske salsaq, osyǵan deıin Rıdderdegi jylý elektr ortalyǵynan órt shyqqany habarlanǵan bolatyn.