Jylý berý maýsymyna daıyndalmaǵan ákimniń orynbasarlaryn jazalaý kerek - Natalıa Godýnova
Bul týraly Májilistiń jalpy otyrysynda jylýmen jabdyqtaý salasyndaǵy aýdıtorlyq is-sharanyń qorytyndysyn talqylaý kezinde Joǵary aýdıtorlyq palata tóraǵasy Natalıa Godýnova aıtty, dep habarlaıdy QazAqparat tilshisi.
«Jylý berý maýsymyna daıyndyq kezinde energııa obektilerine tikeleı barýdy eskeretin tekserýler júrgizý bóliginde Kásipkerlik kodekstiń qoldanystaǵy shekteýleri energııa nysandaryn tolyqqandy baqylaýdy júzege asyrýǵa múmkindik bermeıdi. Sondyqtan baqylaý men qadaǵalaýdy júrgizýdiń jalpy tártibinen jylý energetıkasy salasyndaǵy memlekettik baqylaýdy shyǵarý qajet dep sanaımyz (Kásipkerlik kodekstiń 129-baby)», - dedi N. Godýnova.
Onyń paıymynsha, Ákimshilik quqyq buzýshylyq týraly Kodekste jylý berý maýsymyna daıyndyqty tıisti deńgeıde júrgizbeý jáne daıyndyq barysyndaǵy zańsyzdyqtar úshin laýazymdy adamdardyń (ákim orynbasarynan tómen emes) jáne energetıka nysandary birinshi basshylarynyń jaýapkershiligin reglamentteý kerek.
Budan buryn habarlanǵandaı, Joǵary aýdıtorlyq palata jylymen jabdyqtaý salasynda qarajatty tıimsiz ıgerý derekterin anyqtady.
Jylý berý salasyndaǵy memlekettik retteý birneshe memlekettik organǵa júktelgendikten, jylý energetıkasyn damytýda júıeli tásil joq.
