Jylý berý maýsymy bastalǵanan beri elimizdiń ınjenerlik jelilerinde 361 apat oryn aldy

Bul týraly búgin Úkimettiń selektorlyq rejimdegi otyrysynda Qurylys isi jáne turǵyn úı kommýnaldyq sharýashylyq agenttigi tóraǵasynyń orynbasary Jandos Ákimjanov málim etti.

Onyń atap ótýinshe, atalǵan apattardyń 330-y sýmen jabdyqtaý jelisinde, 31-i jylýmen jabdyqtaý jelisinde oryn alǵan. Sonymen qatar qýaty 100 Gkal/saǵatqa jetetin qazandyqtardyń 7 márte toqtaýy tirkelgen.

«Halyqty jylýmen qamtamasyz etýmen baılanysty máselelerdi jedel sheshý úshin ákimdikterge usynylǵan aqparattardyń shynaıylyǵyna nazar aýdarý jáne agenttikke der ýaqytynda habar berýi qajet dep sanaımyn. Tolyqtaı alǵanda ákimdikterdiń oryn alǵan apattyq jaǵdaılardy ýaqytyly joıyp otyrǵandyǵyn atap ótken oryndy», - dedi ol.