Jylý baǵasy 4 qalada ósip otyr
ASTANA. 15 qańtar. QazAqparat - 2014 jyldan bastap Qazaqstannyń 4 qalasynda jylý tarıfteri 3-ten 7 teńgege deıin joǵarylady. Bul týraly búgin Astanada QR Tabıǵı monopolııalardy retteý agenttiginiń tóraǵasynyń orynbasary Amanjol Alpysbaev málim etti.
2014 jylǵy 1 qańtardan bastap jylý energııasynyń tarıfi 4 qalada ózgerdi, 1 sharshy metr úshin tólemaqy 3 teńgeden 7 teńgege deıin ósti. Mysaly, Astana qalasynda qańtar aıynan bastap jylý energııasy boıynsha 1 sharshy metr úshin tólemaqy 7 teńge 30 tıynǵa ózgerdi, ıaǵnı 91,22 teńgeden 98,51 teńgege ósti», - dedi ol. Jylýmen jabdyqtaý tarıfteriniń ulǵaıýyna kómir qunynyń 7,9%-ǵa ósýi sebep bolyp otyr. Sonymen qatar mazýt tarıftik smetada 1 tonna úshin 2973 teńgege, ıaǵnı 29 170-ten 32 143 teńgege deıin nemese 10,2 %-ǵa qymbattady. Jylý nysandarynda qyzmet etetin jumysshylardyń da jalaqylary ósken. Ortasha jalaqy 10722 teńgege nemese ınflıatsııa deńgeıine 73996-dan 84718 teńgege deıin kóterilgen.
