Jylqynyń alǵash qazaq dalasynda qolǵa úıretilgenin barsha álemge kórsetemiz - kanadalyq rejısser
ASTANA. QazAqparat - Jylqyny alǵash qolǵa úıretý Qazaqstan aýmaǵynda bastaldy. Bul týraly Ortalyq kommýnıkatsııalar qyzmetindegi baspasóz máslıhatynda kanadyq rejısser, antropolog Naıobı Tompson málim etti, dep habarlaıdy QazAqparat.
Aıta keteıik, «Qazaqstan» RTRK Clearwater Documentary Inc. kompanııasymen birlese otyryp, «EQUUS» (Jylqy) atty derekti trıologııasy jobasyn bastamaq.
«Jylqy maly alǵash ret qazaq dalasynda qolǵa úıretilgenin jaqsy túsinip otyrmyz. Osy oraıda Botaı qonysyndaǵy biregeı qazba jumystarynyń nátıjesine súıene otyryp, Qazaqstan aýmaǵynda eń alǵash jylqy janýaryna noqta salynǵany týraly dálelder bar. Bizde derekti trıologııa arqyly osy tarıhı derekterdi egjeı-tegjeıli barsha álemge kórsetýge biregeı múmkindik bar»,-dedi Naıobı Tompson.
Budan buryn habarlanǵandaı, osy derekti trılogııaǵa tórt memleket ókilderi qatysady. ıAǵnı Kanada, AQSh, Frantsııa jáne Germanııa qamtylyp otyr. Bul elderden de tórt telekompanııa óz úlesterin qosady. Birlesken joba 2018 jyly aıaqtalyp, kópshilik nazaryna usynylady.
