Jylqyny soqqan mototsıkldiń júrgizýshisi de, jolaýshysy da mert boldy
AQTÓBE. QazAqparat - Aqtóbe oblysynda mototsıkl tizgindegen jasóspirim men qasyndaǵy adam jylqyny soǵyp, ózderi mert boldy, dep habarlaıdy QazAqparat tilshisi Polisia.kz saıtyna silteme jasap.
29 tamyzda Aqshat aýylynyń mańyndaǵy Aqtóbe-Soltústik aınalma jolyndaǵy jol apaty eki adamnyń ólimine sebepshi boldy.
Aqtóbe-Soltústik aınalma jolynyń shamamen 10-shy shaqyrymynda Aqshat aýylynan Soltústik aınalma kópirine qaraı Yamaha mototsıklimen kele jatqan 17 jastaǵy bozbala jylqyny soqqan. Kámelettik jasqa tolmaǵandyqtan onyń kólik quralyn júrgizýge quqy joq.
Jol-kólik oqıǵasy saldarynan 17 jastaǵy mototsıkl júrgizýshisi men onyń qasyndaǵy 18 jastaǵy qyz esin jımastan, oqıǵa ornynda kóz jumdy.
Polıtsııa departamentiniń qyzmetkerleri qaıtys bolǵan jasóspirimderdiń ata-analaryna kóńil aıtyp, qalyń kópshilikke kámelettik jasqa tolmaǵan balany kólik quralyna otyrǵyzýǵa jol berýge bolmaıtynyn jáne tún ishinde úıde bolýyn qadaǵalaý kerek ekenin eskertedi.
