Jylqylarǵa arnalǵan murajaı
ASTANA. 2 qańtar. QazAqparat - Eýropanyń ortasynda ornalasqan Vena qalasynda jylqylarǵa arnalǵan murajaı bar. Shtalbýrg saraıynda ornalasqan murajaı músini kelisken, óte sırek kezdesetin ıspandyq sáıgúlik tuqymyna arnalǵan. Lıpıtsıan jylqylary XVI ǵasyrda Ispanııadan ákelingen.
Erterekte bul jerde avstrııalyqtar atqa otyrýdy úırengen. Bertin kele bul oryn murajaıǵa aınalǵan.
Murajaıda sırek kezdesetin jylqylar beınelengen sýretter, qylqalam sheberleriniń týyndylary, fotosýretter qoıylǵan. Sonymen qatar munda lıpıtsıan jylqylary týraly kıno kórsetiledi eken.
Al jeksenbi kúnderi munda sáıgúlikterdiń qatysýymen teatrlandyrylǵan qoıylymdy tamashalaýǵa bolady, dep habarlaıdy «Qazaqstan» ulttyq arnasy.
