Jylqy jyly jasyl jáne kók tústi kıimderge basymdylyq beriledi
ASTANA. 3 qańtar. QazAqparat - Jańa jyldan jaqsylyq kútetin qaýym, ásirese, qyz-kelinshekter, zaman talabyna saı kıinýdi de umytqan emes.
Álemniń belgili sángerleri London, Mılan, Nıý-Iork, Parıjde ótken sán aptalyǵynda jylqy jylynyń basty kıim úlgilerin pash etken edi. Ton jáne teriden jasalǵan syrt kıimdermen qatar, qanyq tús, art-prıntter, ıaǵnı, kólemdi sýretteri bar kóılekter jáne tor kózdi kıim úlgileri bıylǵy jyly sánge aınalmaq.
«Sońǵy kezde áıel zaty burynǵydaı ashyq kıimnen góri shamaly jabyq júrgendi unatady. Bul sánge aınalyp keledi. Árıne, ol sándi jáne dene bitimniń kem-ketik tustaryn jasyrýǵa da yńǵaıly. Degenmen, bul túbegeıli oranyp alý emes, biraq talǵammen kıiný bolyp tabylady», - deıdi dızaıner Aıda Qaýmenova.
Sondaı-aq, sándi kıinýdiń syryn ashqan dızaınerler Jylqy jyly jasyl jáne kók túske basymdylyq berilip otyrǵanyn aıtyp, onyń utymdy paıdalaný keńesterin de aıtty.
Árıne, qymbat gaýhar tastardan bastap, injý, marjan sánnen qalǵan emes. Árbir qarapaıym kóılek ne koftanyń sánin asha túsetin «jabo», ıaǵnı, moıyn áshekeıin de umytpańyz. Sondaı-aq, kúnde bolmasa da, saltanatty keshterde shashyńyzǵa erekshe áshekeı buıymdaryn taǵyp júrseńiz, bul sizdiń sán áleminen habardar ekenińizdi kórsetedi, dep habarlaıdy 24.kz.
