Jylqy satýdan túsken aqsha erli-zaıyptylardyń ólimine sebep boldy
ASTANA. 23 aqpan. QazAqparat /Arman Asqarov/ - Soltústik Qazaqstan oblysynyń Krımınaldyq polıtsııa qyzmetkerleri Peskı aýylynda jasalǵan otbasy jubyn óltirý qylmysyn ashty.
Bul týraly búgingi baspasóz máslıhatynda QR Іshki ister mınıstrliginiń resmı ókili Qýanyshbek Jumanov málim etti.
Aǵymdaǵy aqpan aıynda bolǵan qylmystyq oqıǵa kezinde Peskı aýylynda turǵan erli-zaıyptylardyń máıitteri óz úılerinde tabylǵan bolatyn. Arnaıy izdestirý is-sharalary nátıjesinde 35 jastaǵy jergilikti turǵyn ustaldy. Ol atalǵan qylmysty paıdakúnemdik maqsatpen jasaǵanyn moıyndady. Qylmyskerdiń qolynan qaza tapqan otbasy juby mal satýmen aınalysqan. Sol kezde olar jylqy satyp, iri somada aqsha tapqan. Ony bilgen qandyqol qylmysker olardyń úıine jylqy satyp alamyn degen syltaýmen kirip, otaǵasy men onyń zaıybyn óltirgen. Sodan keıin aqshalaryn alyp, boı tasalaǵan. «Qazirgi kezde qylmysker qamaýǵa alynyp, zattaı aıǵaqtardyń bir bóligi tárkilendi», - deıdi Q. Jumanov.
