Jylqy atqan barymtashylar ustaldy - Pavlodar oblysy
ASTANA. QazAqparat - «Shaldaı-Pavlodar» avtojolyna jaqyn Sharbaqty aýdany aýyldarynyń birinde «Aýdı» kóligimen urlanǵan jylqy etin alyp ketip bara jatqan barymtashylar ustaldy, dep habarlaıdy QazAqparat tilshisi.
Pavlodar oblystyq ІІD habarlaǵandaı, polıtsııa qyzmetkerleri «Aýdı» kóliginen 51 jastaǵy júrgizýshi men 43 jastaǵy jolaýshyny toqtatqan.
«Avtokólikti tekserý barysynda bagajdan qujaty joq jylqy eti men terisi, «TO3-8» markaly shaǵyn kalıbrli vıntovka men 5,6 mm-lik gılza, arqan men úsh pyshaq tabyldy. Júrgizýshi jaýap alý kezinde jylqyny Shyǵys Qazaqstannan satyp alǵanyn aıtqan. Keıin quqyq qorǵaýshylar anyqtaǵandaı, kúdiktiler Aqqýly aýdanynda jergilikti turǵynǵa tıesili jylqylardyń birin atyp túsirip, soıyp alǵan. Osydan keıin etti tıep, qalaǵa shyǵyp ketken. Alaıda etti satyp úlgermegen. Olardan tárkilengen vıntovka ishki ister organdarynda tirkelmegen bolyp shyqty» delingen habarlamada.
Qazirgi ýaqytta ustalǵandar Qylmystyq kodekstiń eki baby boıynsha (188 (urlyq) jáne 287 (qarýdy zańsyz ustaý) qylmystyq jaýapkershilikke tartylyp jatyr.
