Jyldyń úzdik jas temirjolshylaryna «Jas kácibı maman-2012» jastar syılyǵy tapsyryldy
ASTANA. 12 jeltoqsan. QazAqparat - «Lokomotıv» AQ-nyń jas qyzmetkerleri «Qazaqstan temir joly» UK» AQ jyl saıyn uıymdastyratyn «Jas kácibı maman-2012» jastar syılyǵynyń atalymdary boıynsha jeńimpaz atandy.
Bul týraly kompanııanyń baspasóz qyzmetinen habarlady.
Atalmysh syılyq temirjol salasynyń damýyna jáne kompanııanyń gúldenýine úles qosqan 30 jasqa deıingi qyzmetkerlerge beriledi. Jyl saıyn konkýrstyq negizde 23 atalym boıynsha úzdikter anyqtalady.
Bıyl «Jyldyń jas mashınısi» atalymynda «Lokomotıv» - «Shý eksplýatatsııalyq lokomotıvti deposy» AQ-nyń mashınısi Ahat Ómirzaqov jeńimpaz boldy.
Jeńimpazǵa gramota men músinsheni «Lokomotıv» AQ-nyń vıtse-prezıdenti Asqar Maqsutov tabys etti.
«Barlyq jas temirjolshylarǵa ózderin kórsetýge múmkindik jasaǵany úshin «QTJ» UK» AQ-nyń basshylyǵyna úlken rızashylyǵymdy bildirgim keledi. Olar bizdiń áleýetterimizdiń ashylýyna kóptegen tamasha múmkindikter berdi», - dedi ol.
Sondaı-aq «Jyldyń jas tehnıkalyq mamany» atalymy «Lokomotıv» AQ tehnıkalyq damý basqarmasynyń bastyǵy Aıbek Kámilovke berildi. «Memlekettik satyp alýlardy uıymdastyrýshy jas maman» ataǵyna «Lokomotıv» AQ memlekettik satyp alýlar basqarmasy Taýarly-materıaldyq qundylyqtardy satyp alý bóliminiń bas mamany Jazıra Temirbaeva laıyq dep tanyldy. «Jyldyń jas ıýrısti» atalymy quqyqtyq qamtamasyz etý basqarmasynyń bas mamany Azamat Medeýbaevqa berildi.
