«Jyldyń úzdik sportshysy» ataǵyna kim laıyq
Komıtettiń baspasóz qyzmeti málim etkendeı, jankúıerler 19 qarasha men 3 jeltoqsan aralyǵynda Qazaqstan UOK resmı saıty Olympic.kz arqyly bıyl úlken jetistikke jetken sportshy men bapkerge daýys bere alady.
Ulttyq Olımpıada komıtetiniń prezıdenti Tımýr Qulybaevtyń bastamasymen Sport júldesi bıyl tórtinshi ret óz ıesin tabady. Jyldaǵy dástúr boıynsha, júlde jeńimpazdaryn jankúıerler anyqtaıdy.
«2018 jyl otandyq atletter úshin iri jarystarǵa toly boldy. Halyqaralyq týrnırlerden bólek, bıylǵy basty báseke - qysqy Olımpıada oıyndary men jazǵy Azııa oıyndary jáne jasóspirimderdiń jazǵy Olımpıadasy ótti. Bizdiń sportshylar tolaǵaı tabystarymen qýantyp, óz nátıjelerimen tań qaldyrdy. Aǵymdaǵy jyl elimizdegi olımpıadalyq otbasy múshelerin biriktirgen Ulttyq Olımpıada komıteti úshin de mańyzdy. Dástúrden aınymaı, jyl qorytyndysyn Ulttyq Sporttyq Júldeni saltanatty tabystaý rásiminde jarııalaımyz. Júlde jeńimpazdaryn anyqtaýdy jankúıerlerge tapsyrdyq», - deıdi Qazaqstan UOK bas hatshysy Danııar Abýlgazın.
Daýys berý toǵyz nomınatsııa boıynsha júzege asady. UOK saıtynyń arnaıy paraqshasynda úmitkerlerdiń 2018 jylǵy jetistigi týraly tolyq málimetter kórsetiledi.
Jeńimpazdar tómendegi atalymdar boıynsha anyqtalady:
1. «Jazǵy sport túri boıynsha úzdik sportshy»
2. «Qysqy sport túri boıynsha úzdik sportshy»
3. «Úzdik jas sportshy»
4. «Jazǵy sport túri boıynsha úzdik bapker»
5. «Qysqy sport túri boıynsha úzdik bapker»
6. «Olımpıadalyq sport túri boıynsha úzdik ulttyq sporttyq federatsııa»
7. «Úzdik sporttyq aımaq» (oblystar men respbýlıkalyq mańyzy bar qalalardaǵy jáne Astanadaǵy dene shynyqtyrý jáne sport basqarmasy)
8. «Jyl tańdaýy»
9. «Jyldyń úzdik komandasy»
Qazaqstan UOK eki aıǵa jýyq ýaqyt ishinde olımpıadalyq sport túrleri boıynsha ulttyq federatsııalardan ótinim qabyldap, sport dırektsııasy úmitkerlerdiń tizimin jasaqtady.
Baıqaý 2018 jyldyń 4 jeltoqsan kúni Ulttyq Sport júldesin saltanatty túrde tabystaý rásiminde qorytyndylanady. Júldeniń televızııalyq nusqasyn «Qazaqstan» jáne «Qazsport»arnalary kórsetedi.
