Jyldyń úzdik sport jýrnalısteri belgili boldy
ASTANA. QazAqparat - Úzdik sport jýrnalısterin anyqtaıtyn Seıdahmet Berdiqulov atyndaǵy baıqaýdyń jeńimpazdary belgili boldy, dep habarlaıdy QazAqparat Sport jáne dene shynyqtyrý isteri komıtetiniń baspasóz qyzmetine silteme jasap.
BAQ arasynda ótkizilgen baıqaýǵa materıaldar bir aı boıy qabyldandy. Eń myqty sport jýrnalısterin anyqtaý úshin arnaıy komıssııa quryldy. Alqa quramynda: Dúráli Dúısebaı, Qydyrbek Rysbek, Tólegen Jaqtaev bastaǵan sport jýrnalıstıkasynyń ardagerlerimen qatar, Qazaqstan sport basylymdary qaýymdastyǵynyń vıtse-prezıdenti Nurǵazy Sasaev pen «Habar» agenttiginiń tilshisi Amangeldi Seıithan boldy.
Bıyl baıqaýǵa degen qyzyǵýshylyqtyń artýyna, kelip túsken materıaldar sanynyń kóptigine baılanysty alqa quramy 3 jeńimpazdyń ornyna 4 sport jýrnalısin ataqqa laıyqty dep tanydy, delingen habarlamada.
«Baspa basylymynyń eń úzdik jýrnalısi» atalymynda «Egemen Qazaqstan» gazetiniń jýrnalısi Álı Bıtóre men «Aıqyn» gazetiniń tilshisi Jadyra Aqqaıyr jeńimpaz dep tanylsa, «Eń úzdik televızııalyq jumys avtory» atalymynda Larısa Grechıhına («Habar24» ) men Aqsyndar Tabyldynyń («Qazaqstan UTA - Mangystay») jumystary úzdik dep tanyldy.
Baıqaý jeńimpazdary 2018 jyly Seıdahmet Berdiqulov atyndaǵy fýtboldan ótetin mını-týrnır barysynda saltanatty túrde marapattalady. Júldegerler S.Berdiqulov atyndaǵy arnaıy tósbelgi, dıplom jáne aqshalaı syılyqqa ıe bolady.
