«Jyldyń úzdik memlekettik qyzmetshisi» respýblıkalyq konkýrsy ótedi
Konkýrsqa keminde úsh jyl minsiz memlekettik qyzmet ótili bar «B» korpýsynyń memlekettik ákimshilik qyzmetshileri memlekettik organ basshysynyń usynýy boıynsha qatysa alady.
I kezeń – óńirlik (oblystyq) deńgeı.
Birinshi kezeńge qatysýshylardy irikteýdi óńirlik konkýrstyq komıssııa júrgizedi. Óńirlik konkýrstyq komıssııa Agenttiktiń aýmaqtyq departamentteri janynan qurylady. Komıssııa quramy qoǵamdyq birlestikterdiń, úkimettik emes uıymdardyń, BAQ, memlekettik organdardyń basshylarynan jáne basqa da tulǵalardyń ókilderin qamtıdy.
Qujattar 2023 jylǵy 15-30 sáýir aralyǵynda QR Memlekettik qyzmet isteri agenttiginiń aýmaqtyq departamentteriniń elektrondyq poshtalary arqyly qabyldanady:
1) konkýrsqa qatysý týraly memlekettik organnyń usynymy;
2) konkýrsqa qatysýshynyń qyzmettik tizimi.
II kezeń – respýblıkalyq deńgeı.
Ekinshi kezeńde respýblıkalyq komıssııa qatysýshylardyń prezentatsııasyn tyńdaý maqsatynda 2023 jylǵy 2 maýsymǵa deıin kandıdattarmen áńgimelesý ótkizedi. Prezentatsııa qorytyndylary boıynsha respýblıkalyq komıssııa onlaın daýys berýge joldaý úshin úzdik usynystardy irikteıdi.
Onlaın daýys berý Agenttiktiń áleýmettik jelilerdegi paraqshalarynda júrgiziledi jáne oǵan respýblıkanyń barlyq azamattary qatysa alady.
Respýblıkalyq komıssııanyń qorytyndy otyrysynda konkýrs jeńimpazdary aıqyndalatyn konkýrs nátıjeleri týraly sheshim qabyldanady.
Konkýrs jeńimpazdaryn marapattaý rásimi «23 maýsym – Qazaqstan Respýblıkasynyń Memlekettik qyzmetshi kúni» merekesine oraı uıymdastyrylady.
Tolyq aqparat Agenttiktiń resmı saıtynda ornalastyrylǵan arnaıy Ádistemelik usynymda kórsetilgen.